Maharashtra Local Body Election : भाजपने महाराष्ट्रातील सर्व जिल्ह्यांसाठी स्थानिक स्वराज्य संस्थांच्या निवडणुकांसाठी प्रमुख आणि प्रभारींची नियुक्ती केली आहे. बीडमध्ये सुरेश धस आणि पंकजा मुंडे यांना जबाबदारी देण्यात आली आहे.
Maharashtra Local Body Election : स्थानिक स्वराज्य संस्थांच्या निवडणुकांच्या पार्श्वभूमीवर भाजपने महाराष्ट्रातील सर्व जिल्ह्यांसाठी निवडणूक प्रमुख आणि प्रभारींची घोषणा केली आहे. बीड जिल्ह्यात आमदार सुरेश धस यांची निवडणूक प्रमुख म्हणून नियुक्ती करण्यात आली असून, मंत्री पंकजा मुंडे यांना निवडणूक प्रभारीची जबाबदारी देण्यात आली आहे. विधानसभा निवडणुकीनंतर धस आणि मुंडे यांच्यात मतभेद निर्माण झाले होते, मात्र आता स्थानिक निवडणुकीत दोघांनाही एकत्रितपणे पक्षासाठी काम करावं लागणार आहे.
एकनाथ शिंदे यांच्या बालेकिल्ल्यात गणेश नाईक यांची जबाबदारी
भाजपकडून जाहीर करण्यात आलेल्या यादीत ठाणे जिल्हा आणि परिसरात मोठी जबाबदारी मंत्री गणेश नाईक यांच्यावर सोपवण्यात आली आहे. ते ठाणे शहर, ग्रामीण भाग, कल्याण, उल्हासनगर, मीरा-भाईंदर, भिवंडी आणि नवी मुंबई या सर्व ठिकाणांचे निवडणूक प्रभारी असतील. हा प्रदेश मुख्यमंत्री एकनाथ शिंदे यांचा बालेकिल्ला मानला जातो.
प्रमुख आणि प्रभारींची संपूर्ण यादी
राज्यातील विविध जिल्ह्यांमध्ये भाजपकडून खालीलप्रमाणे नेत्यांच्या नियुक्त्या करण्यात आल्या आहेत –
Related Articles
- सिंधुदुर्ग: निवडणूक प्रभारी – नितेश राणे
- पुणे ग्रामीण: निवडणूक प्रमुख – गणेश बिडकर
- मुंबई: निवडणूक प्रभारी – आशिष शेलार
- सोलापूर: निवडणूक प्रभारी – मंत्री जयकुमार गोरे
- छत्रपती संभाजीनगर: निवडणूक प्रभारी – मंत्री अतुल सावे
- नांदेड: निवडणूक प्रभारी – खासदार अशोक चव्हाण
- कोल्हापूर: निवडणूक प्रभारी – खासदार धनंजय महाडिक
- रायगड: निवडणूक प्रभारी – प्रशांत ठाकूर
- नाशिक: निवडणूक प्रभारी – गिरीश महाजन
- जळगाव: निवडणूक प्रभारी – संजय सावकारे
- अहिल्यानगर (नगर): निवडणूक प्रभारी – मंत्री राधाकृष्ण विखे पाटील
- पुणे जिल्हा: निवडणूक प्रभारी – केंद्रीय मंत्री मुरलीधर मोहोळ
- रत्नागिरी: निवडणूक प्रभारी – निरंजन डावखरे
- सातारा: निवडणूक प्रभारी – मंत्री शिवेंद्रराजे भोसले
भाजपचा निवडणूक मोड ऑन
स्थानिक स्वराज्य संस्थांच्या निवडणुकांची घोषणा होण्यापूर्वीच भाजपने राज्यभरात तयारी सुरू केली आहे. प्रत्येक जिल्ह्यात प्रमुख आणि प्रभारी नेमून पक्ष संघटन मजबूत करण्यास आणि प्रचाराची दिशा ठरवण्यास सुरुवात झाली आहे.
