महाराष्ट्र विधानसभा निवडणूक निकाल २०२४: महायुतीतील सरकारचा सोमवारी शपथविधी

काँग्रेसची पत्रकार परिषद सुरु असून पक्षाचे प्रमुख नेते उपस्थित आहेत. हा निकाल आम्हाला मान्य नसल्याचं यामध्ये रमेश चेन्निथला यांनी म्हटलं आहे. 

कर्जत - जामखेड विधानसभा मतदारसंघातून रोहित पवार विजयी झाले आहेत. 

शरद सोनवणे हे हेलिकॅप्टरने मुंबईला रवाना झाले आहेत. ते जुन्नर विधानसभा मतदारसंघाचे आमदार आहेत. 

राम सातपुतेंना पराभवाचा झटका बसला असून येथून उत्तमराव मानकर निवडून आले. 

सांगोला मतदारसंघातून बाबासाहेब देशमुख विजयी झाले आहेत. येथून त्यांनी शिवसेनेच्या शहाजीबाप्पू पाटील यांचा पराभव केला आहे. 

भाजपचे प्रदेशाध्यक्ष चंद्रशेखर बावनकुळे विजयी झाले असून त्यांचा कामठी हा मतदारसंघ होता. 

लाडकी बहीण योजना गेमचेंजर ठरली असल्याचं अजित पवार यांनी म्हटलं आहे. 

बारामती विधानसभा मतदारसंघातून अजित पवार विजयी झाले आहेत. 

फुलंब्री मतदारसंघातून अनुराधा चव्हाण विजयी झाल्या आहेत. 

पारनेर नगर विधानसभा मतदारसंघातून काशिनाथ दाते सर आघाडीवर आहेत. येथे त्यांच्या विरोधात राणी लंके या लढत देत आहेत. 

महायुती २२४ जागा घेऊन सत्ता स्थापन करणार असून मुख्यमंत्री कोण होणार याकडे लक्ष लागले आहे. 

पंतप्रधान नरेंद्र मोदी संध्याकाळी ७ वाजता भाजपच्या कार्यलयात जाणार असल्याचं सांगण्यात आलं आहे. महाराष्ट्रातील विजयाच्या पार्श्वभूमीवर ते काय बोलतात याकडे सर्वांचं लक्ष लागलं आहे.

मागाठाणे मतदारसंघात शिंदे गटाचे प्रकाश सुर्वे विजयी झाले आहेत. 

बारामतीमधून अजित पवार ५० हजार मतांनी आघाडीवर आहेत. 

भाजपाचा विजयाचा स्ट्राईक रेट ८४% असून त्यांनी यावेळी मोठा विजय मिळवला आहे. 

श्रीवर्धनमधून अदिती तटकरे या विजयी झाल्या आहेत. त्या खासदार तटकरे यांच्या कन्या आहेत. 

पृथ्वीराज चव्हाण पिछाडीवर असून अतुल भोसले हे आघाडीवर असल्याचं दिसून येत आहे. 

भाजपा १२१, शिवसेना ५६ आणि राष्ट्रवादी काँग्रेस पार्टी ३७ जागा घेऊन आघाडीवर असून महायुती २१४ जागा घेऊन आघाडीवर आहेत. 

आदित्य ठाकरे हे दुसऱ्या फेरीअखेर पुढे जाऊन पोहचले असून ते वरळी विधानसभा मतदारसंघातून उभे होते. 

वांद्रा पूर्वमधून वरून सरदेसाई हे दुसऱ्या फेरीअखेर मागे पडले असून येथे त्यांच्या विरोधात झिशान सिद्दीकी हे लढत आहेत.