Ladki Bahin Yojana: लाडक्या बहिणींची प्रतीक्षा संपणार! जानेवारीचा हप्ता खात्यात जमा होणार; सरकारने निधी केला मंजूर

Ladki Bahin Yojana: 'मुख्यमंत्री माझी लाडकी बहीण' योजनेचा रखडलेला जानेवारीचा हप्ता लवकरच महिलांच्या खात्यात जमा होणार आहे. सरकारने यासाठी ९८.२५ कोटींचा निधी वर्ग केला असून, प्रत्येक पात्र महिलेला १,५०० रुपये मिळतील. 

Image Credit : social media

लाडक्या बहिणींची प्रतीक्षा संपणार! जानेवारीचा हप्ता खात्यात जमा होणार

मुंबई : राज्यभरातील लाखो महिला ज्या बातमीची वाट पाहत होत्या, ती अखेर समोर आली आहे. 'मुख्यमंत्री माझी लाडकी बहीण' योजनेच्या जानेवारी महिन्याच्या हप्त्याबाबत मोठी अपडेट आली असून, रखडलेले पैसे लवकरच महिलांच्या बँक खात्यात जमा होणार आहेत. तांत्रिक कारणांमुळे लांबणीवर पडलेला हा हप्ता आता शेवटच्या टप्प्यात आहे. 

Image Credit : social media

९८ कोटींचा निधी वर्ग; हालचालींना वेग

गेल्या काही दिवसांपासून लाभार्थी महिलांमध्ये जानेवारीच्या हप्त्याबाबत संभ्रम होता. मात्र, ताज्या माहितीनुसार, सरकारने या हप्त्यासाठी निधीची तरतूद पूर्ण केली आहे. सामाजिक न्याय विभागाने ९८.२५ कोटी रुपये महिला व बालविकास विभागाकडे हस्तांतरित केले आहेत. या निर्णयामुळे आता निधी वितरणाचा मार्ग मोकळा झाला असून, लवकरच पात्र महिलांच्या खात्यात प्रत्येकी १,५०० रुपये जमा होतील. 

Image Credit : iSTOCK

हप्ता लांबणीवर का पडला?

राज्यात नुकत्याच पार पडलेल्या स्थानिक स्वराज्य संस्थांच्या निवडणुका आणि आचारसंहितेच्या प्रक्रियेमुळे या योजनेच्या निधी वितरणात विलंब झाला होता. निवडणुका संपल्यानंतर आता प्रशासनाने थकीत हप्ते वाटपाची प्रक्रिया युद्धपातळीवर सुरू केली आहे. 

Image Credit : iSTOCK

KYC अपडेटसाठी महिलांना मोठी संधी

ज्या महिलांनी सर्व अटी पूर्ण करूनही अद्याप पैसे मिळालेले नाहीत, त्यांच्यासाठी सरकारने महत्त्वाची सूचना दिली आहे.

अनेक महिलांचे अर्ज पात्र असूनही KYC मधील त्रुटींमुळे पैसे अडकले आहेत.

अशा महिलांना आता त्यांची माहिती अपडेट करण्यासाठी मुदतवाढ देण्यात आली आहे.

ज्यांच्या अर्जात चुका झाल्या आहेत किंवा ज्यांनी अद्याप केवायसी केलेली नाही, त्यांनी ती त्वरित पूर्ण करण्याचे आवाहन सरकारने केले आहे. 

Image Credit : iSTOCK

योजनेचे स्वरूप थोडक्यात

ज्या कुटुंबाचे वार्षिक उत्पन्न २.५ लाखांपेक्षा कमी आहे, अशा कुटुंबातील महिलांना या योजनेद्वारे दरमहा आर्थिक मदत दिली जाते. जानेवारी आणि फेब्रुवारी महिन्याचे पैसे लवकरच मिळतील, अशी चिन्हे असल्याने महिलांना मोठा दिलासा मिळाला आहे.