Rice Water : भात शिजवलेली पेज फेकून देताय? रोज ही पेज प्यायल्यास काय होईल माहितीये?
Beauty Tips: चेहऱ्यावर ग्लो आणण्यासाठी अनेक जण महागड्या क्रीम्स आणि सीरम वापरतात. पण, भात शिजवल्यानंतर उरलेल्या पेजेचा वापर करून तुम्ही एकही रुपया खर्च न करता तुमचं सौंदर्य वाढवू शकता.
भात शिजवलेली पेज फेकून देताय?
आजकाल कुणीही पेज काढून भात शिजवत नाही. आणि जर कुणी शिजवलाच, तर ती पेज न पिता फेकून देतात. आतापर्यंत तुम्हाला वाटत असेल की पेज फक्त आरोग्यासाठी चांगली असते. पण, ती फक्त आरोग्यासाठीच नाही, तर सौंदर्य वाढवण्यासाठीही मदत करते. बाजारात मिळणाऱ्या महागड्या क्रीम्सची गरज न पडता, या पेजेने सौंदर्य कसं वाढवता येईल ते आपण पाहूया.
पेजेमधील पोषक घटक -
भात शिजवल्यानंतर उरलेल्या पांढऱ्या पेजेमध्ये जीवनसत्त्वे, अँटी-ऑक्सिडंट्स आणि अमिनो ॲसिड्स भरपूर प्रमाणात असतात. ही पेज फक्त चेहऱ्याला लावण्यासाठीच नाही, तर ती प्यायल्याने त्वचेला आतून चमक मिळते.
पेज प्यायल्याने त्वचेत होणारे बदल
नैसर्गिक मॉइश्चरायझर - पेजेमध्ये असलेले नैसर्गिक स्टार्च आणि सिरॅमाइड्स त्वचेतील ओलावा टिकवून ठेवतात. ते त्वचेला कोरडेपणा आणि प्रदूषणापासून वाचवतात आणि मऊ ठेवतात.
अँटी-एजिंग - यामध्ये फेरुलिक ॲसिडसारखे शक्तिशाली अँटी-ऑक्सिडंट्स असतात. ते फ्री रॅडिकल्स नष्ट करतात आणि चेहऱ्यावर सुरकुत्या येऊ न देता त्वचा तरुण ठेवतात.
चमकदार त्वचा - अनेकांची त्वचा एकाच रंगाची नसते. पेज ही समस्या कमी करते. पेज प्यायल्याने मेलेनिनचे उत्पादन नियंत्रित राहते. नियमित सेवन केल्यास चेहरा उजळतो.
पिंपल्स आणि जळजळ कमी करते - यामध्ये ॲलंटोइन आणि अँटी-इन्फ्लेमेटरी गुणधर्म भरपूर असतात. ते पिंपल्स आणि लालसरपणामुळे त्वचेची होणारी जळजळ कमी करतात.
li त्वचा घट्ट आणि तरुण ठेवण्यासाठी आवश्यक असलेल्या 'कोलेजन'चे उत्पादन पेज वाढवते. तसेच खराब झालेल्या त्वचेच्या पेशी दुरुस्त करण्यात ती महत्त्वाची भूमिका बजावते.
ही पेज कशी प्यावी?
भात शिजवताना थोडे जास्त पाणी घाला, जेणेकरून पेज जास्त निघेल. भात पूर्ण शिजल्यानंतर, ती पांढरी पेज एका भांड्यात गाळून घ्या. तुम्ही ही पेज कोमट असताना किंवा थंड झाल्यावर पिऊ शकता. चवीसाठी तुम्ही त्यात थोडे मीठ किंवा लिंबाचा रस घालू शकता. दिवसातून फक्त एक छोटा ग्लास म्हणजेच सुमारे ५०-१०० मिली पेज प्यावी. यापेक्षा जास्त पिणे आरोग्यासाठी चांगले नाही.
