- Home
- lifestyle
- Paneer Storage : फ्रिजमध्ये ठेवलेलं पनीर कडक आणि आंबट होतंय? १० दिवस ताजं ठेवण्याची सोपी ट्रिक
Paneer Storage : फ्रिजमध्ये ठेवलेलं पनीर कडक आणि आंबट होतंय? १० दिवस ताजं ठेवण्याची सोपी ट्रिक
फ्रिजमध्ये पनीर ठेवूनही ते जास्त काळ ताजं राहत नाहीये का? त्याची चव आंबट किंवा ते कडक होतंय का? काळजी करू नका, या काही सोप्या टिप्स वापरून तुम्ही पनीर जास्त दिवस ताजं ठेवू शकता.
पनीर फ्रेश ठेवण्यासाठी खास टिप्स
पनीर लवकर का खराब होतं?
पनीर ताजं ठेवण्यासाठी सोपी 'वॉटर हॅक'..
पनीर जास्त दिवस टिकवण्यासाठी पाण्यात ठेवणं हा सर्वोत्तम उपाय आहे. पनीरचे लहान तुकडे करून एका एअर-टाईट डब्यात ठेवा. त्यात पनीर पूर्ण बुडेल इतकं थंड पाणी घाला, झाकण घट्ट लावून फ्रिजच्या खालच्या कप्प्यात ठेवा. रोज डब्यातील पाणी बदलायला विसरू नका. पाणी बदलताना डबाही स्वच्छ केल्यास पनीर १० ते १२ दिवस खराब न होता ताजं राहतं. फक्त एका दिवसासाठी कसं साठवावं? दुसऱ्या दिवशी पनीर वापरायचं असेल, तर पाण्यात ठेवण्याची गरज नाही. पनीर एका स्वच्छ, हलक्या ओल्या कॉटन किंवा मलमलच्या कपड्यात गुंडाळा. ते हवाबंद डब्यात ठेवून फ्रिजमध्ये ठेवा. यामुळे ते सुकणार नाही आणि मऊ राहील.
पनीर स्टोअर करताना या चुका करू नका..
पनीरला प्लास्टिकच्या रॅपमध्ये घट्ट गुंडाळल्यास आतमध्ये ओलावा जमा होऊन बुरशी लवकर लागते. झाकण नसलेल्या भांड्यात ठेवल्यास पनीर फ्रिजमधील इतर भाज्या आणि पदार्थांचा वास शोषून घेतं. पनीरला आंबट किंवा विचित्र वास येत असेल, त्याचा रंग पांढऱ्याऐवजी पिवळा किंवा करडा झाला असेल किंवा ते चिकट लागत असेल, तर ते वापरू नका, ते खाण्यासाठी चांगलं नाही.
