Tiredness : 8 तास झोपूनही थकवा जाणवतोय? ही असू शकतात कारणं

तुम्ही रोज रात्री 8 तास शांत झोपता, पण सकाळी उठल्यावर फ्रेश वाटण्याऐवजी थकवा जाणवतो का? असं तुमच्यासोबतही होत असेल, तर त्यामागे काही कारणं असू शकतात. जाणून घ्या काय आहेत ही कारणं?

Image Credit : Getty

झोपेची गुणवत्ता कमी असणं

शरीराला ताजेतवाने करण्यासाठी अखंड आणि गाढ झोप मिळणं गरजेचं आहे. रात्री वारंवार जाग आल्यामुळे मेंदू आणि शरीराला आवश्यक 'डीप स्लीप' मिळत नाही आणि थकवा कायम राहतो.

Image Credit : Getty

स्लीप ॲप्नियासारखे आजार

झोपेत श्वास थांबण्याच्या समस्येला 'ऑब्स्ट्रक्टिव्ह स्लीप ॲप्निया' म्हणतात. यामुळे झोपमोड होते. जोरात घोरणे, झोपेत श्वास गुदमरणे आणि दिवसा खूप झोप येणे ही या आजाराची मुख्य लक्षणं आहेत.

Image Credit : Getty

मानसिक ताण आणि नैराश्य

अंथरूणात पडल्यामुळे डोक्यातील विचार थांबत नाहीत. सततचा मानसिक ताण आणि चिंता यामुळे शरीर नेहमी सतर्क अवस्थेत राहतं. यामुळे झोपेचं नैसर्गिक चक्र बिघडतं आणि शांत झोप लागत नाही.

Image Credit : Getty

रात्री उशिरापर्यंत स्क्रीनचा वापर

झोपण्यापूर्वी फोन, टॅबलेट किंवा लॅपटॉप वापरल्यास झोपेवर वाईट परिणाम होतो. या स्क्रीन्समधून येणारा निळा प्रकाश (Blue Light) शरीरातील मेलाटोनिन या झोपेच्या हॉर्मोनची निर्मिती थांबवतो.

Image Credit : Getty

कॅफीन, मद्यपान आणि धूम्रपान

रात्रीच्या वेळी कॉफी किंवा दारू प्यायल्याने झोपेत अडथळा येतो. कॅफीनमुळे झोप यायला उशीर होतो, तर दारूमुळे पटकन झोप लागली तरी रात्रीच्या दुसऱ्या टप्प्यात झोपमोड होते आणि गाढ झोप लागत नाही.

Image Credit : stockPhoto

अनियमित जीवनशैली

रोज वेगवेगळ्या वेळी झोपणे, व्यायामाचा अभाव, चुकीची आहारपद्धती आणि झोपण्यासाठी अयोग्य वातावरण यांसारख्या गोष्टींमुळे तुमच्या झोपेची गुणवत्ता कमी होऊ शकते.