China Pneumonia Outbreak : चीनमध्ये फैलावतोय नवा गंभीर VIRUS, भारतावर होणार परिणाम?
Health Care: चीनमध्ये सध्या वेगाने एक गंभीर आजार फैलावत आहे. या पार्श्वभूमीवर नुकसान टाळण्यासाठी भारत सरकारने खबरदारीची पावले उचलण्यास सुरुवात केली आहे.ऑक्टोबर महिन्यापासून सुरू झालेल्या या गंभीर आजारामुळे चीनमधील मुलांचे आरोग्य खालावत आहे.
चीनमध्ये पसरतोय नवीन व्हायरस
China Pneumonia Outbreak : चीनमध्ये ताप आणि फुफ्फुसांशी संबंधित एक गंभीर आजाराची साथ पसरत आहे. हा आजार विशेषत: लहान मुलांमध्ये आढळत असल्याने चिंता निर्माण झाली आहे. त्यामुळे येथे दररोज 7 हजारांहून अधिक मुलांना रुग्णालयात दाखल करावे लागत आहे. ऑक्टोबर 2023 पासून या गंभीर आजाराची साथ पसरल्याची माहिती समोर येत आहे.
कोरोनाप्रमाणेच हा गंभीर स्वरूपातील संसर्गजन्य रोग असल्याचे कळत आहे. या आजाराची लक्षणे थोडीफार न्यूमोनिया आजारा साखरीच असल्याचे तज्ज्ञांच्या निदर्शनास आले आहे. दैनिक भास्कर या वृत्तसंस्थेने या आजाराबाबत स्वीडन देशातील संसर्गजन्य रोगतज्ज्ञ डॉ. राम शंकर उपाध्याय यांच्याशी चर्चा केली. जाणून घेऊया त्यांनी सांगितलेली महत्त्वपूर्ण माहिती..
कसा फैलावतो गंभीर आजार?
न्यूमोनिया हा संसर्गजन्य आजार आहे. या आजाराच्या जिवाणूस 'मायको प्लाझ्मा न्यूमोनया बॅक्टेरिया' असेही म्हटले जाते. हिवाळ्यात न्यूमोनिया आजाराची साथ मोठ्या प्रमाणात पसरते. यामागील मुख्य कारण म्हणजे हिवाळ्यातील तापमान. 8-15 अंश डिग्रीपर्यंतच्या तापमानात न्यूमोनियाचे बॅक्टेरिया सक्रिय होण्याची शक्यता असते. याशिवाय हिवाळ्यात प्रदूषणही वाढले जाते. याच कारणास्तव न्यूमोनिया आजारास लोक बळी पडतात.
चीनमधील नवा व्हायरस न्यूमोनियाच आहे का?
चीनच्या आरोग्य विभागाच्या माहितीनुसार, नव्याने पसरलेला व्हायरस न्यूमोनिया आजाराचाच आहे. यामध्ये कोणतेही दुसरे बॅक्टेरिया अथवा व्हायरसचा संसर्ग दिसून आलेले नाही.हैराण करणारी बाब म्हणजे सामान्य न्यूमोनिया आजाराच्या लक्षणाप्रमाणे लहान मुलांमध्ये कफची समस्या आढळत नाहीय.
त्यांच्या छातीच्या काढलेल्या एक्स-रे रिपोर्टमध्ये फुफ्फुसावर एक नोड्युल म्हणजेच गोलाकारात पॅच दिसत आहे. यास वैद्यकीय भाषेत पल्मोनरी नोड्युल (Pulmonary Nodules) असे म्हणतात. ही अवस्था बॅक्टेरियांच्या संसर्गात आल्यानेच निर्माण होते.
व्हायरल इन्फेक्शनमध्ये ही स्थिती आढळून येत नाही. डॉक्टर राम शंकर उपाध्याय यांच्या माहितीनुसार, आजाराने ग्रस्त असलेल्या मुलांची स्थिती पाहिल्यास हे प्रकरण केवळ मायको प्लाझ्मा न्यूमोनियाचेच आहे, असे वाटत नाही. तर त्यांना एखादे व्हायरल इन्फेक्शनही झाले आहे. त्यांच्या आरोग्यावर एकाच वेळेस बॅक्टेरिया व व्हायरसचा हल्ला झाला आहे.
औषधांचाही होत नाहीय परिणाम
लहान मुलांना केवळ मायको प्लाझ्मा न्यूमोनिया विषाणूची लागण झाली असेल तर यावर नियंत्रण मिळवण्यासाठी औषधोपचार उपलब्ध आहेत. पण या औषधांचा रूग्णांवर कोणताही सकारात्मक परिणाम दिसत नाहीय. प्रो-मेड नावाच्या सर्व्हेलियन्स प्लॅटफॉर्मने (Surveillance platform) दिलेल्या माहितीनुसार, एका दिवसात तब्बल 13 हजार मुलांना बीजिंगमधील हॉस्पिटलमध्ये दाखल करण्यात आले. दरम्यान हा गंभीर आजार अनेक रोगजंतूंमुळे पसरला आहे, ही बाब चीननेही रविवारी (26 नोव्हेंबर) मान्य देखील केले आहे.
आजाराची लक्षणे
चीनमध्ये फैलावलेल्या आजाराने रुग्णांची संख्या दिवसागणिक वाढत आहे. या आजारात रूग्णांच्या शरीराची रोगप्रतिकारक शक्ती कमी होत आहे.
या लक्षणांकडे करू नका दुर्लक्ष
- श्वसनलिकेला सूज येणे
- खोकला येणे
- ताप येणे
- घसा खवखवणे किंवा दुखणे
- फुफ्फुसांना सूज येणे
भारत सरकारने जारी केला अ‍ॅलर्ट
व्हिएतनाम देशातही या विषाणूचे रूग्ण आढळत आहेत. जीवघेण्या कोरोना व्हायरसप्रमाणेच हा आजारही दुसऱ्या देशांमध्ये पसरण्याची भीती वर्तवण्यात येत आहे. याच पार्श्वभूमीवर खबरदारीचा उपाय म्हणून भारत सरकारने पावले उचलण्यास सुरुवात केली आहे. याबाबत काही सूचना देखील जारी करण्यात आल्या आहेत.
जागतिक आरोग्य संघटनेने (WHO) जारी केलेली मार्गदर्शक तत्त्वे
- तापाची लक्षणे दिसून आल्यास स्वत:हून कोणतेही औषधोपचार करणे टाळा
- ताप आल्यास डॉक्टरांशी संपर्क साधावा
- गर्दीच्या ठिकाणी जाणे टाळा
- मास्क आणि सॅनिटाइझरचा वापर करावा
- सोशल डिस्टन्सिंगचे नियम पाळावे
- लहान मुले आणि वृद्धांच्या सर्व वस्तूंची स्वच्छता करावी
- खोकताना व शिंकताना तोंडावर रूमाल धरावा
- घर आणि ऑफिसमध्ये स्वच्छता राखावी
आणखी वाचा:
Weight Gain Tips: वजन वाढवण्यासाठी दररोज खा हे ड्रायफ्रुट्स
आंघोळीच्या कोमट पाण्यात मिक्स करा एक चमचा तूप, मिळतील हे फायदे
तज्ज्ञांचा सल्ला
Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.