झोपेतून उठल्यानंतर फ्रेश वाटत नाही?

सकाळी उठल्यानंतर जर आपणास ताजेतवाने वाटण्याऐवजी आळस येत असेल तर यावर उपाय म्हणून डाएटमध्ये काही एनर्जी ड्रिंक्सचा समावेश करावा.

एनर्जी ड्रिंक्स प्यायल्यास शरीरातील आळस दूर होण्यास मदत मिळू शकते. जाणून घेऊया सविस्तर माहिती...

सफरचंदमध्ये अँटी-ऑक्सिडंट्स, अँटी-इंफ्लेमेटरी, प्रोटीन, कॅल्शिअम, लोह, मॅग्नेशिअम, पोटॅशिअम, झिंक यासारखे गुणधर्म असतात. ज्यामुळे शरीराला मोठ्या प्रमाणात ऊर्जेचा पुरवठा होतो.

लेमन मिंट ड्रिंक प्यायल्यास शरीरातील आळस दूर होण्यास मदत मिळेल. याव्यतिरिक्त शारीरिक तणाव देखील दूर होण्यास मदत मिळेल. एकूणच तुमचा मूड फ्रेश होईल.

केळ्यामध्ये पोटॅशिअमसारख्या कित्येक खनिजांचा साठा आहे. सकाळी केळ्याचे सेवन केल्यास दिवसभर शरीरात ऊर्जा टिकून राहील. केळे, दूध आणि सुकामेवा एकत्रित मिक्स करून मिल्क शेक तयार करा.

नारळाचे पाणी प्यायल्यास शरीराला अँटी-ऑक्सिडंट्स, अमिनो अ‍ॅसिड, व्हिटॅमिन सी यासारख्या पोषणतत्त्वांचा पुरवठा होईल. ज्यामुळे आळस दूर होऊन शरीराला ऊर्जा मिळेल. 

हर्बल टीमध्ये अँटी-ऑक्सिडंट्सचे प्रमाण खूप असते. हे पेय प्यायल्यास वारंवार आळस येण्याची समस्या कमी होईल.

घरच्या घरी हर्बल टी तयार करण्यासाठी गरम पाण्यामध्ये आले, हळद आणि वेलचीची पूड मिक्स करा. चहा उकळू द्यावा. सकाळच्या वेळेस हा चहा प्यायल्यास शरीरास खूप फायदे मिळतील.

डाळिंबाचा ज्युस प्यायल्यास शरीरामध्ये ऊर्जा टिकून राहण्यात मदत मिळेल आणि यामुळे आळसही दूर होईल. डाळिंबामध्ये 'व्हिटॅमिन सी', 'व्हिटॅमिन ई' आणि 'व्हिटॅमिन के'चे प्रमाण खूप असते.

Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.