- Home
- lifestyle
- Nail Polish : नेलपॉलिशमुळे खरंच कॅन्सर होतो? मेडिकल एक्सपर्ट्स काय सांगतात, जाणून घ्या!
Nail Polish : नेलपॉलिशमुळे खरंच कॅन्सर होतो? मेडिकल एक्सपर्ट्स काय सांगतात, जाणून घ्या!
सुंदर नखांसाठी नेलपॉलिश आणि जेल नेल्सचा वापर खूप वाढला आहे. पण, नेलपॉलिशमुळे खरंच कॅन्सर होतो का? असा प्रश्न इंटरनेटवर व्हायरल झालेल्या बातम्यांमुळे अनेकांना पडला आहे. यावर मेडिकल एक्सपर्ट्स काय म्हणतात, ते जाणून घेऊया.
नेलपॉलिशमुळे कॅन्सर होतो?
आजकाल नखांना सुंदर बनवण्यासाठी नेलपॉलिश लावणं खूप कॉमन झालं आहे. पण, 'नेलपॉलिशमुळे कॅन्सर होतो' अशा व्हायरल बातम्यांमुळे मुलींमध्ये भीती निर्माण झाली आहे. या दाव्यांमध्ये किती तथ्य आहे आणि तज्ज्ञ काय म्हणतात, ते पाहूया.
नेलपॉलिशमधील धोकादायक केमिकल्स
जुन्या किंवा स्वस्त नेलपॉलिशमध्ये तीन धोकादायक केमिकल्स असायची, ज्यांना 'टॉक्सिक ट्रायो' म्हणतात. यात फॉर्मल्डिहाइड (Formaldehyde), टोल्यून (Toluene) आणि डीबीपी (DBP) यांचा समावेश असतो. WHO ने फॉर्मल्डिहाइडला कॅन्सरकारक मानलं आहे. पण, आता बाजारात '3-फ्री' किंवा '5-फ्री' सारखी सुरक्षित उत्पादनंही मिळतात.
जेल मॅनिक्युअर
जेल मॅनिक्युअर सुकवण्यासाठी वापरल्या जाणाऱ्या UV लॅम्पमुळे त्वचेच्या कॅन्सरचा धोका असल्याची चर्चा आहे. 2023 च्या एका अभ्यासात याच्या प्रकाशामुळे पेशींच्या DNA ला नुकसान झाल्याचं दिसलं. पण, तज्ज्ञांच्या मते, कधीतरी केलेल्या मॅनिक्युअरमुळे कॅन्सरचा धोका खूप कमी असतो. FDA सुद्धा याला कमी धोकादायक मानते.
नखांना होणाऱ्या समस्या
डॉक्टरांच्या मते, सामान्यपणे नेलपॉलिश लावल्याने थेट कॅन्सर होतो, याचा कोणताही ठोस पुरावा नाही. कॅन्सरपेक्षा ॲलर्जी, नखं कमकुवत होणं किंवा त्वचा लाल होणं यांसारख्या समस्या जास्त प्रमाणात आढळतात. मात्र, पार्लरमध्ये रोज काम करणाऱ्या ब्युटिशियन्सनी जास्त काळजी घेणं गरजेचं आहे.
अशी लावा नेलपॉलिश
नेलपॉलिश सुरक्षितपणे वापरण्यासाठी काही सोप्या टिप्स आहेत. '5-फ्री' किंवा '10-फ्री' लेबल असलेली उत्पादनं निवडा. जेल मॅनिक्युअर करण्यापूर्वी हातांना सनस्क्रीन लावा. नेलपॉलिश लावताना खिडक्या उघड्या ठेवा आणि सतत न लावता नखांना थोडा आराम द्या.
