- Home
- lifestyle
- Gajakesari Rajyoga : गजकेसरी राजयोग उघडणार भाग्याचं दार! या ५ राशींवर होणार पैशांचा पाऊस
Gajakesari Rajyoga : गजकेसरी राजयोग उघडणार भाग्याचं दार! या ५ राशींवर होणार पैशांचा पाऊस
ज्योतिषशास्त्रात गजकेसरी राजयोग अत्यंत शुभ मानला जातो. गुरु आणि चंद्राच्या युतीमुळे तयार होणाऱ्या या योगाचा कोणत्या ५ राशींना बंपर फायदा होणार आहे, ते आपण पाहूया.
गजकेसरी राजयोगाचे फायदे
वैदिक ज्योतिषशास्त्रानुसार चंद्र हा मन आणि भावनांचा कारक आहे. चंद्र दर अडीच दिवसांनी राशी बदलतो. ऑक्टोबरच्या सुरुवातीला चंद्र कर्क राशीत प्रवेश करेल. तिथे आधीच उच्च स्थितीत असलेल्या गुरुसोबत चंद्राची युती होईल. यातूनच अत्यंत शुभ असा 'गजकेसरी राजयोग' तयार होत आहे.
यंदा पितृपक्ष २६ सप्टेंबर ते १० ऑक्टोबर दरम्यान आहे. याच काळात हा योग जुळून येत आहे. दृक पंचांगानुसार, ४ ऑक्टोबर २०२६ रोजी संध्याकाळी ६:३१ वाजता चंद्र कर्क राशीत प्रवेश करेल आणि ६ ऑक्टोबरला रात्री १०:१७ वाजेपर्यंत तिथेच राहील. त्यानंतर तो सिंह राशीत जाईल. त्यामुळे ६ ऑक्टोबरपर्यंत या राजयोगाचा प्रभाव राहील. या गुरु-चंद्र युतीचा ५ राशींना मोठा फायदा होणार आहे.
मेष
मेष राशीच्या लोकांसाठी हा गजकेसरी राजयोग मालमत्ता आणि कौटुंबिक बाबतीत प्रगती घेऊन येईल. चौथ्या घरात गुरु आणि चंद्राची युती होत असल्याने घर, जमीन किंवा वाहन खरेदीचे तुमचे जुने स्वप्न पूर्ण होऊ शकते.
कुटुंबात आईची भक्कम साथ मिळेल. समाजात तुमचा मान-सन्मान वाढेल. उच्च शिक्षण किंवा नोकरीत प्रमोशन मिळवण्याच्या प्रयत्नांना यश येईल. घरात शांतता राहील आणि तुम्हाला मानसिक समाधान मिळेल. ऑफिसमधील जुने वाद संवादातून सुटतील.
वृषभ
वृषभ राशीच्या लोकांचा आत्मविश्वास या राजयोगामुळे दुप्पट होईल. तिसऱ्या घरात गुरु-चंद्र एकत्र येत असल्याने नवीन कामे सुरू करण्याची तुमची इच्छा वाढेल. कामाच्या ठिकाणी तुमच्यावर नवीन जबाबदाऱ्या सोपवल्या जातील किंवा अचानक नवीन संधी चालून येतील.
व्यावसायिकांना नवीन ग्राहक आणि मोठ्या करारांमधून चांगला नफा मिळेल. तुमची अनेक दिवसांपासून रखडलेली कामे आता मार्गी लागतील. उत्पन्नाचे नवीन मार्ग खुले होतील. भावंडं आणि जवळच्या नातेवाईकांचीही तुम्हाला चांगली मदत मिळेल.
वृश्चिक
वृश्चिक राशीच्या लोकांसाठी हा काळ खूप भाग्यवान ठरणार आहे. नवव्या घरात या ग्रहांची युती होत असल्याने तुमच्या अनेक दिवसांच्या इच्छा पूर्ण होऊ लागतील. अध्यात्म आणि धार्मिक कार्यात तुमचा रस वाढेल. उच्च शिक्षणासाठी प्रयत्न करणाऱ्या विद्यार्थ्यांना मोठे यश मिळेल.
परदेशात शिक्षण किंवा नोकरीच्या शोधात असलेल्यांसाठी नवीन दरवाजे उघडतील. समाजात तुमचे नाव आणि कीर्ती वाढेल. काही महत्त्वाच्या लोकांशी तुमची ओळख होईल, ज्याचा भविष्यात तुम्हाला मोठा फायदा होईल. तुमची आर्थिक स्थितीही हळूहळू सुधारेल.
मकर
मकर राशीच्या लोकांसाठी गजकेसरी राजयोग करिअर आणि आर्थिक आघाडीवर मोठे बदल घडवून आणेल. सातव्या घरात गुरु आणि चंद्र एकत्र येत असल्याने नोकरी आणि व्यवसायात नवीन संधी निर्माण होतील. पार्टनरशिपमध्ये व्यवसाय करणाऱ्यांना चांगली प्रगती पाहायला मिळेल. महत्त्वाच्या लोकांशी आलेला संपर्क तुमच्या व्यवसायाच्या वाढीसाठी फायदेशीर ठरेल.
तुमची आर्थिक स्थिती मजबूत होईल. अनेक दिवसांपासून रखडलेली कामे आता वेगाने पूर्ण होतील. वैयक्तिक आयुष्यातही आनंदाचे वातावरण राहील. वैवाहिक जीवनातील गैरसमज दूर होऊन जोडीदारासोबतचे नाते अधिक घट्ट होईल.
मीन
मीन राशीच्या लोकांसाठी गुरु-चंद्राची ही युती करिअर आणि पैशांच्या बाबतीत खूप फायदेशीर ठरेल. विशेषतः परदेशातील नोकरी किंवा व्यवसायाच्या संधी शोधणाऱ्यांना मोठे यश मिळेल. करिअरमध्ये प्रगती होईल आणि समाजात तुमचा आदर वाढेल. कुटुंबासोबत तुम्ही चांगला वेळ घालवाल.
व्यावसायिकांना अपेक्षेपेक्षा जास्त नफा मिळेल. तुमचा खूप दिवसांपासून अडकलेला पैसा परत मिळण्याची दाट शक्यता आहे. काहींना अचानक धनलाभ होऊ शकतो. पण, पैशांसोबतच तुम्ही आरोग्याकडेही लक्ष देणे गरजेचे आहे. विनाकारण ताणतणाव घेणे टाळा आणि स्वतःला पुरेसा आराम द्या.
