Chicken Pickle Recipe : आंध्र स्टाईल चिकन लोणचं, महिनाभर टिकेल
Chicken Pickle: चिकनचं लोणचं खूप चविष्ट लागतं. आंध्र स्टाईलचे मसाले आणि तिळाच्या तेलात झणझणीत चिकन लोणचं कसं बनवायचं ते इथं जाणून घ्या. हे लोणचं तीन महिने ताजं राहतं.
चिकन लोणचं रेसिपी
तुम्ही चिकनपासूनही उत्तम लोणचं बनवू शकता. आंध्र स्टाईलचे तिखट मसाले, सुवासिक तिळाचं तेल आणि भाजलेल्या मसाल्यांची पावडर घालून बनवलेलं हे चिकन लोणचं चवीला भारी लागतं. भात, दही-भात, चपाती, डोसा कशासोबतही खा, चव भन्नाट लागेल. चिकनचा रस्सा किंवा फ्राय खाऊन कंटाळा आलाय? मग एकदा हे आंध्र स्पेशल चिकन लोणचं घरी नक्की ट्राय करा. ज्यांना तिखट आवडतं त्यांना हे नक्कीच आवडेल.
आंध्र स्पेशल चिकन लोणचं साहित्य
चिकन मॅरिनेशनसाठी:
चिकन- ५०० ग्रॅम
हळद - १/२ टीस्पून
लाल तिखट - २ टीस्पून
आलं-लसूण पेस्ट - १ टेबलस्पून
मीठ - चवीनुसार
मसाला पावडरसाठी:
धणे - १ टेबलस्पून
मेथी दाणे - १/२ टीस्पून
मोहरी - १/२ टीस्पून
जिरं - १ टीस्पून
दालचिनी - ३ छोटे तुकडे
लवंग - ४
वेलची - २
हरभरा डाळ - १ टेबलस्पून
फोडणीसाठी:
तिळाचं तेल - गरजेनुसार
चिकन लोणचं बनवण्याची पद्धत
- सगळ्यात आधी बोनलेस चिकन स्वच्छ धुऊन त्याचे छोटे तुकडे करून घ्या. त्यात हळद, लाल तिखट, आलं-लसूण पेस्ट आणि चवीनुसार मीठ घालून चांगलं मिक्स करा. हे सुमारे ३० मिनिटं बाजूला ठेवा.
२. गॅसवर एक पॅन ठेवा. त्यात धणे, मेथी, मोहरी, जिरं, दालचिनी, लवंग, वेलची आणि हरभरा डाळ घालून चांगला सुगंध येईपर्यंत भाजा. नंतर हे मसाले थंड होऊ द्या आणि मिक्सरमध्ये जाडसर वाटून घ्या.
३. आता एका कढईत थोडं जास्त तिळाचं तेल टाकून गरम करा. त्यात आधीच मॅरिनेट केलेले चिकनचे तुकडे टाकून चांगले परतून घ्या. चिकनचे तुकडे छान शिजून गोल्डन ब्राऊन होईपर्यंत मध्यम आचेवर परता.
४. चिकन चांगलं शिजल्यावर त्यात तयार केलेला मसाला पावडर घालून मिक्स करा. मसाला चिकनच्या सगळ्या तुकड्यांना लागेल असा व्यवस्थित ढवळून घ्या.
५. मसाला चिकनमध्ये चांगला मिसळेपर्यंत आणि तेल सुटेपर्यंत मध्यम आचेवर शिजू द्या. चिकन पूर्ण शिजून लोणच्यासारखं दिसू लागल्यावर गॅस बंद करा. झालं, तुमचं मस्त झणझणीत आंध्र स्पेशल चिकन लोणचं तयार आहे.
