उन्हाळ्यात त्वचा हायड्रेट ठेवण्याचे नैसर्गिक उपाय
उन्हाळा आला की घाम, धुळ आणि उन्हाच्या तीव्रतेमुळे त्वचेवर परिणाम होतो. यामुळे त्वचा कोरडी, खवखवीत आणि थकलेली वाटू लागते. त्यामुळे त्वचेला हायड्रेट ठेवणे अत्यंत आवश्यक ठरते. अशातच उन्हाळ्यात त्वचा हाइड्रेट ठेवण्यासाठी काय करावे हे जाणून घेऊया.
सनस्क्रीन लावणे आवश्यक
उन्हाळ्यात घराबाहेर पडताना SPF 30 किंवा त्याहून जास्त सनस्क्रीन लावणे आवश्यक आहे. उन्हाचे UV किरण त्वचेला कोरडे आणि रापलेले बनवतात. दर २-३ तासांनी सनस्क्रीन परत लावणे उपयुक्त ठरते.
जलयुक्त मॉइश्चरायझर वापरा
केमिकल क्रीम्सऐवजी उन्हाळ्यात वॉटर-बेस्ड किंवा जेल बेस्ड मॉइश्चरायझर वापरणे अधिक चांगले. अॅलोवेरा जेल, हायलुरॉनिक अॅसिड युक्त मॉइश्चरायझर त्वचेला थंडावा देतात व हायड्रेट ठेवतात.
भरपूर प्रमाणात पाणी प्या
भरपूर पाणी प्या पाण्याची कमतरता ही त्वचेला कोरडेपणाकडे घेऊन जाते. दररोज किमान ८ ते १० ग्लास पाणी पिण्याचा प्रयत्न करा. हे शरीरातील विषारी घटक बाहेर टाकण्यास मदत करते आणि त्वचेला आतून ताजेतवाने ठेवते.
फळ आणि द्रव्य पदार्थांचे सेवन करा
कलिंगड, काकडी, संत्री, मोसंबी, स्ट्रॉबेरी, टरबूज यांसारखी जलयुक्त फळे खा. हे फळे त्वचेला नैसर्गिक आर्द्रता देतात. घरगुती बनवलेले फळांचे रस, लस्सी, ताक यांचाही वापर करा.
झोप आणि तणावमुक्तता
भरपूर झोप आणि तणावमुक्त जीवनशैली ही हायड्रेटेड त्वचेसाठी गुपित आहे. तणावामुळे त्वचा कोरडी आणि थकलेली दिसू शकते.
(Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.)
