अस्सल कांजीवरम साडी कशी ओखळायची? वाचा खास टिप्स
कांजीवरम साडी ही भारतातील सर्वाधिक प्रसिद्ध व मौल्यवान साड्यांपैकी एक मानली जाते. तमिळनाडूतील कांचीपूरममधील आहेत. या साड्या त्यांच्या समृद्ध रचनेमुळे, रेशमी पोतामुळे व झळाळत्या zari कामामुळे ओळखल्या जातात. पण साडी अस्सल कशी ओखळायची हे जाणून घेऊया.
रेशीम धाग्याची चाचणी
खरी कांजीवरम साडी 100% खऱ्या रेशीमपासून विणलेली असते. ती तपासण्यासाठी रेशीम धागा हलक्या आगीत जाळून पाहा. जर धागा जळून केसासारखा वास आला आणि राखेत बोट लावल्यावर ती भुकटी झाली तर तो खरा रेशीम आहे. नकली रेशीम प्लास्टिकसारखा वास देतो आणि गोळ्यासारखा वळतो.
झरी (Zari) चाचणी
अस्सल कांजीवरम साडीतील झरी म्हणजेच साड्यांच्या कड्यांवरील आणि पल्ल्यावरच्या डिझाइनसाठी वापरलेला धागा खऱ्या चांदीचा असतो. झरी बनवताना चांदीच्या धाग्यावर सोने लावले जाते. खोटी झरी मेटॅलिक पॉलिस्टरपासून बनवलेली असते. झरीचा एक धागा वेगळा काढून त्याला खवखवत घासल्यास आतून लालसर तांबूस रंगाचा चांदीचा धागा दिसतो तर तो खरा आहे.
विणकाम आणि डिझाइन
अस्सल कांजीवरम साड्यांचे विणकाम फारच बारीक आणि सुबक असते. प्रत्येक डिझाइन हँडलूमवर विणलेले असल्यामुळे त्यात वैविध्य आणि उठाव असतो. नकली साड्यांमध्ये हे डिझाइन्स प्रिंटेड किंवा मशीनद्वारे बनवलेले असतात. त्यामुळे त्यांचा पोत सरळसरसा आणि कृत्रिम भासतो.
जोडीचा तपास करा
खरी कांजीवरम साडी विणताना मुख्य भाग, कड आणि पल्लू वेगवेगळे विणले जातात आणि त्यांना एका अनोख्या तंत्राने जोडले जाते. या "कोरा" जोडीतून पल्लू हलक्या ओढण्याने सहज वेगळा होत नाही. पण नकली साड्यांमध्ये सर्व भाग एकाच रचनेतले असतात. त्यामुळे एकसंध वाटते आणि ती बनावट आहे हे लक्षात येते.
किंमत आणि वजन
खरी कांजीवरम साडी खूपच जडसर असते. कारण तिच्यात वापरलेले रेशीम व झरी हे घटक खूप प्रमाणात असतात. साधारणतः खरी कांजीवरम साडी 6000 ते लाखभर किंमतीपर्यंत असते. खूपच स्वस्त किंमतीत कांजीवरम साडी मिळत असेल, तर ती नकली असण्याची शक्यता अधिक असते. याशिवाय भारत सरकारने "Silk Mark" व "Handloom Mark" ही प्रमाणपत्रे खरी रेशीम आणि हँडलूम साड्यांना देण्यासाठी सुरू केली आहेत. अशी साड्या घेताना हे मार्क असलेली साडी घ्या. हे विश्वासार्हता दर्शवतात.
(राहा अपडेट, राहा जगाच्या पुढे. सातत्याने अपडेट होणाऱ्या आमच्या फेसबुक आणि एक्स (ट्विटर) पेजला सबक्राईब करुन ताज्या घडामोडी जाणून घ्या.)
आमच्या एशियानेट न्यूज मराठीच्या फेसबुक पेजला सबस्क्राईब करा. त्यासाठी येथे क्लिक करा.
आमच्या एशियानेट न्यूज मराठीच्या एक्स (ट्विटर) पेजला सबस्क्राईब करा. त्यासाठी येथे क्लिक करा.
