Feet Care Tips: फ्लॅट फुटवेअर वापरल्याने आरोग्यावर होतील हे गंभीर परिणाम, वाचा
Health Tips : हाय हिल्सच वापरणे महिलांना खूप आवडते. पण तुम्ही फ्लॅट फुटवेअर वापरत असल्यास पायांसह आरोग्यावर त्याचा गंभीर परिणाम होऊ शकतो.
फ्लॅट फुटवेअर घातल्याने होईल पायांचे नुकसान
Flat Feet Side Effects : महिला आपण सुंदर दिसावे म्हणून प्रत्येक लहान-लहान गोष्टींकडे लक्ष देतात. सर्वसामान्यपणे त्या कपडे, ज्वेलरी, मेकअप, हेअरस्टाइसह फुटवेअर कोणत्या स्टाइलची असावी याकडेही अधिक लक्ष देतात. काही महिलांना आपण घातलेल्या फुटवेअरच्या माध्यमातून स्टाइल स्टेंटमेंट क्रिएट करणे आवडते.
फुटवेअर केवळ स्टाइलसाठी असतात, असे काही जणींना वाटते. मात्र त्या पायात घातल्यानंतर कम्फर्टेबल वाटते का? हे देखील पाहणे तितकेच महत्त्वाचे आहे. महिला मॅचिंग फुटवेअर खरेदी करतात. पण त्याची निवड करताना पायांचा आकार कसा आहे? हे पाहावे. चुकीचे फुटवेअर पायासह संपूर्ण आरोग्यासाठी नुकसानदायक ठरू शकतात.
योग्य आकाराचे फुटवेअर वापरल्यास पायाचे हाड वाढणे, कंबरदुखी, गुडघेदुखी तसंच चालण्याचे वळणच पूर्णतः बिघडू शकते. पाय व गुडघेदुखीची समस्या निर्माण होऊ नये, यासाठी काही जणी फ्लॅट फुटवेअर वापरण्यास प्राधान्य देतात. पण हाय हिल्सपेक्षा फ्लॅट फुटवेअरमुळे केवळ पायांवर नव्हे तर संपूर्ण शरीरावर गंभीर परिणाम होताहेत. जाणून घेऊया याबाबत सविस्तर व महत्त्वपूर्ण माहिती…
फ्लॅट फुटवेअर वापरण्याचे नुकसान
हाय हिल्स वापरल्याने पाय सुजणे, कंबरदुखी अशा वेगवेगळ्या समस्यांचा सामना करावा लागतो. त्यामुळे बहुतांश जणी फ्लॅट फुटवेअर घालणे पसंत करतात. फ्लॅट फुटवेअर खरेदी करताना चुकीची खरेदी केल्यास फायद्याऐवजी नुकसानच होईल. फ्लॅट फुटवेअरमुळे चालताना कम्फर्टेबल वाटत असले तरीही ते तुमच्या बोटांवर अधिक भार टाकतात. यामुळे शरीराचे पोश्चर देखील बिघडते.
पायांच्या बोटांवर होतात हे परिणाम
दैनंदिन जीवनात आपण फ्लॅट फुटवेअरचा वापर करत असल्यास त्याचा परिणाम पायाच्या अंगठ्यावरही होतो. यामुळे पायाचा अंगठा आणि अन्य बोटांमधील अंतर वाढते. पायांच्या स्नायूंना गंभीर स्वरुपात हानी पोहोचते, ज्यामुळे स्नायू कमकुवत होण्याची शक्यता असते.
शरीरावर कसा होतो परिणाम?
फ्लॅट फुटवेअरमध्ये कोणत्याही प्रकारचे कुशन नसते. परिणामी यामुळे शरीरामध्ये उलट दिशेने नकारात्मक दबाव (Negative Pressure) निर्माण होते. यामुळे पाय, गुडघे आणि पाठीचा कण्यावर वाईट परिणाम होतो.
VIDEO : फ्लॅट फुटवेअरबद्दल तज्ज्ञांनी नेमके काय सांगितले आहे? ऐका
टाचांवर येतो ताण
फ्लॅट फुटवेअर घातल्याने पायांची पकड कमकुवत होते. परिणामी टाचांवर ताण येतो आणि यामुळे पायदुखीची समस्या निर्माण होऊ शकते. (Flat Footwearmule Honare Nuksan)
संसर्गजन्य आजारांचा धोका
‘फ्लॅट किंवा फ्लिप फ्लॉप फुटवेअरच्या माध्यमातून घरात 18 हजारांपेक्षा अधिक बॅक्टेरिया प्रवेश करतात. यामुळे संसर्गजन्य आजारांचा धोका वाढण्याची शक्यता असते’,अशी माहिती युनिव्हर्सिटी ऑफ मियामीने (University of Miami) केलेल्या संशोधनाद्वारे नमूद केली आहे.
फुटवेअर विकत घेताना लक्षात ठेवा या गोष्टी
फ्लॅट फुटवेअर, हाय हिल्ससोबत पॉइंडेट शूज, फ्लॅट शूज, हलके आणि सॉफ्ट रनिंग शूज आणि फ्लॅटफॉर्म फुटवेअर दररोज वापरल्याने देखील पायांचे नुकसान होते. या समस्या टाळण्यासाठीपुढील काही टिप्स फॉलो करू शकता…
- फुटवेअर खरेदी करताना सोल जाड असावा अथवा सोलदरम्यानचा भाग उभट आकारामध्ये असावा.
- स्ट्रिप्स असणाऱ्या फुटवेअर खरेदी करू नये. यामुळे टाचांचे तसेच पायांचे दुखणे वाढू शकते.
- उत्तम दर्जाचे आणि ब्रॅण्डचे फुटवेअर वापरावे.
तज्ज्ञांचा सल्ला
Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.
