Hair Growth Tips : केसगळतीपासून ते कोंड्यापर्यंत सर्व समस्या होतील दूर, केसांसाठी वापरा ही हिरवीगार पाने

Hair Care Tips : केसांशी संबंधित समस्या दूर करण्यासाठी आपल्या हेअर केअर रुटीनमध्ये या हिरव्यागार पानांचा समावेश करा.  

Image Credit : Getty

लांबसडक केसांसाठी उपाय (LONG HAIR CARE TIPS)

Beauty Tips In Marathi : केसांशी संबंधित समस्या असतील तर सर्वजण त्यातून झटपट सुटका व्हावी, यासाठी सर्व प्रकारचे उपाय करतात. काहीजणी ब्युटी पार्लरमध्ये जाऊन महागड्या व केमिकलयुक्त ट्रीटमेंट करतात तर काही लोक घरच्या घरी नैसर्गिक उपाय करण्यावर भर देतात. पण नैसर्गिक उपाय देखील कशा पद्धतीने करायचे? याची योग्य माहिती नसल्याने केसांचे नुकसानच अधिक होते.

आयुर्वेदातील औषधी व नैसर्गिक वनस्पतींचा तज्ज्ञांच्या सल्ल्यानुसार योग्य पद्धतीने वापर केल्यास केसांशी संबंधित समस्या कमी होण्यास मदत मिळू शकते. केसांसाठी यापैकीच एक बहुगुणी नैसर्गिक उपाय म्हणजे कढीपत्त्याची पाने. खाद्यपदार्थांची चव वाढवणारा कढीपत्ता केसांच्या आरोग्यासाठीही अतिशय लाभदायक आहे. 

या इवल्याशा पानांमध्ये प्रोटीन, व्हिटॅमिन, अँटी- ऑक्सिडेंट्स, अँटी- बॅक्टेरिअल व बीटा कॅरेटीन यासारख्या पोषणतत्त्वांचा मोठ्या प्रमाणात समावेश आहे. ज्यामुळे केस घनदाट, लांबसडक व सुंदर होण्यास मदत मिळते. केसांच्या वाढीसाठी कढीपत्त्याच्या पानांपासून आपण कोणकोणते हेअर पॅक तयार करू शकता, जाणून घेऊया याबद्दल सविस्तर माहिती…

Image Credit : Getty

कढीपत्ता व नारळाचे तेल

प्रोटीन व लोहाचा उत्तम स्त्रोत म्हणजे कढीपत्ता. हे दोन्ही घटक केसांच्या वाढीसाठी पोषक आहेत.

सामग्री : मूठभर कढीपत्त्याची पाने,  दोन ते तीन चमचे नारळाचे तेल

कसा करावा वापर?

• एका पॅनमध्ये नारळाच्या तेलात कढीपत्त्याची पाने मिक्स करा.
• कढीपत्त्याची पाने काळी होईपर्यंत तेल गरम करावे.
• पाने काळी झाल्यानंतर गॅस बंद करा व तेल थंड होऊ द्यावे.
• तेल थंड झाल्यानंतर केसांना लावा व हलक्या हाताने केसांचा मसाज करावा.
• तासाभरानंतर सौम्य शॅम्पूने केस स्वच्छ धुऊन घ्यावा.
• आठवड्यातून एकदा आपण हा उपाय करू शकता.

Image Credit : Getty

कोंड्यापासून मुक्तता

कढीपत्त्याच्या पानात अँटी- फंगल गुणधर्म आहेत, ज्यामुळे कोरड्या केसांसह कोंड्याची समस्या कमी होण्यास मदत मिळू शकते.

सामग्री : एक चमचा कढीपत्त्याचे तेल, कापूर तेलाचे काही थेंब

कसा करावा वापर?

• दोन्ही तेल एकत्रित मिक्स करा.
• हे मिश्रण स्कॅल्पसह संपूर्ण केसांना लावा व मसाज करा.
• तासाभरानंतर शॅम्पूने केस स्वच्छ धुऊन घ्या.
• 15 दिवसांत एकदा हा उपाय करावा.

Image Credit : Getty

पांढऱ्या केसांच्या समस्येतून सुटका मिळवण्यासाठी

कढीपत्त्यामध्ये कित्येक औषधी गुणधर्माचा साठा आहे. ज्यामुळे केसांचे आरोग्य सुधारण्यास मदत मिळू शकते. यातील औषधी गुणांमुळे केसांना नैसर्गिक रंगही प्राप्त होऊ शकतो.

सामग्री : एक चमचा कढीपत्त्याचे तेल, अर्धा चमचा नारळाचे तेल

कसा करावा वापर?

• दोन्ही तेल एकत्रित करा.
• हे तेल मुळांसह केसांना लावा व हलक्या हाताने मसाज करा.
• अर्ध्या तासानंतर केस स्वच्छ धुऊन घ्या.
• हेअरवॉश करण्यापूर्वी या तेलाचा वापर आपण करू शकता.

Image Credit : Getty

कढीपत्ता व दही

शरीरात प्रोटीनची कमतरता निर्माण झाल्यास केसगळती व केस पातळ होणे यासारख्या समस्या निर्माण होतात. केसगळती रोखण्यासाठी व केस मुळासकट मजबूत होण्यासाठी कढीपत्ता व दह्याचे हेअर पॅक वापरा.

सामग्री : मूठभर कढीपत्त्याची पाने, अर्धा वाटी दही

कसा करावा वापर?

• कढीपत्त्याची पाने व दही मिक्सरमध्ये एकत्रित वाटून जाडसर पेस्ट तयार करा.
• हेअर मास्क स्कॅल्प व सर्व केसांवर लावा. हलक्या हाताने मसाज करा.
• 30 मिनिटांनंतर सौम्य शॅम्पूने केस स्वच्छ धुऊन घ्या.
• आठवड्यातून दोनदा आपण हा उपाय करू शकता.

आणखी वाचा

Image Credit : Getty

तज्ज्ञांचा सल्ला

Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.