केसांची होईल भराभर वाढ, घरच्या घरी असे तयार करा जास्वंदाच्या फुलाचे तेल
10 जास्वंदाची फुले, 10 जास्वंदाच्या रोपाची पाने, एक कप नारळाचे तेल
जास्वंदाची फुले व पाने स्वच्छ धुऊन त्याची पेस्ट तयार करून घ्या.
आता एका कढईमध्ये एक कप नारळाचे तेल गरम होण्यास ठेवून द्या आणि तेल कोमट झाल्यास त्यामध्ये जास्वंदाच्या फुले व पानांची पेस्ट टाकावी.
तेल गरम झाल्यानंतर कढईवर झाकण ठेवा व गॅस बंद करावा. तेल थंड झाल्यानंतर ते गाळा व एका बाटलीमध्ये भरून ठेवा.
आपल्या आवश्यकतेनुसार केसांना तेल लावा व हलक्या हाताने मसाज करावा. 30 मिनिटांनंतर सौम्य शॅम्पूने केस स्वच्छ धुऊन घ्यावेत. आठवड्यातून तीन वेळा हा उपाय करावा.
केसांशी संबंधित सर्व समस्या दूर करण्यासाठी जास्वंदाच्या फुलाचे तेल अतिशय लाभदायक आहे. याद्वारे केसांना खोलवर पोषणतत्त्वांचा पुरवठा होतो.
जास्वंदाच्या तेलामध्ये कॅल्शिअम, फॉस्फरस व लोह यासारख्या पोषणतत्त्वांचा साठा आहे. हे घटक केसांच्या वाढीसाठी पोषक आहेत. शिवाय नारळाच्या तेलामुळे केसांचे तुटणे देखील कमी होते.
Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा