- Home
- India
- Coconut Capital : भारतातील नारळाची राजधानी कोणती माहितीये? केरळ वाटत असेल तर तुमचा गैरसमज आहे!
Coconut Capital : भारतातील नारळाची राजधानी कोणती माहितीये? केरळ वाटत असेल तर तुमचा गैरसमज आहे!
भारतीयांच्या आणि नारळाच्या नात्याबद्दल काय सांगावं! पण तुम्हाला माहितीये का, आपल्या देशात नारळाची एक खास राजधानी सुद्धा आहे. ती कोणती ते जाणून घेऊया.
नारळाची राजधानी...
सकाळी देवाला वाहण्यात येणारा नारळ असो, दुपारच्या जेवणातील ओल्या नारळाची चटणी असो, किंवा संध्याकाळी तहान भागवणारे शहाळे असो.. भारतीयांच्या जीवनशैलीत नारळाला खूप महत्त्व आहे. पण नारळ म्हटलं की आपल्याला केरळ राज्याची आठवण येते. तिथेच नारळाचे जास्त उत्पादन होते असा आपला समज आहे. पण केरळ सोडून आपल्या देशात नारळाची एक राजधानी आहे.. ती कोणती आणि त्या ठिकाणचे वैशिष्ट्य काय ते पाहूया...
भारताची नारळ राजधानी...
दक्षिण भारतातील कर्नाटक राज्य आज देशात सर्वाधिक नारळ उत्पादक राज्य बनले आहे. या राज्यातील नारळाच्या बागा, अनुकूल हवामान आणि आधुनिक शेती पद्धतींचा अवलंब यामुळे कर्नाटकला हा मान मिळाला आहे.
कर्नाटक राज्यातील तुमकूर, हसन, मंड्या, म्हैसूर, उडुपी, दक्षिण कन्नड, चिकमंगळूर जिल्ह्यांमध्ये देशात सर्वाधिक नारळ पिकतो. ताजे शहाळे, सुके खोबरे आणि खोबरेल तेलाच्या उत्पादनासाठी कर्नाटक ओळखले जाते.
कर्नाटक नारळ राजधानी कशी बनली?
केरळमध्ये जवळजवळ प्रत्येक पदार्थ नारळानेच बनवला जातो, बरोबर? मग केरळला मागे टाकून कर्नाटक राजधानी कशी बनली, असा प्रश्न अनेकांना पडला असेल. यामागे अनेक कारणे आहेत. कर्नाटकात नारळ पिकवण्यासाठी अनुकूल हवामान आणि सुपीक जमीन आहे. येथे हे पीक घेण्यासाठी अनेक पद्धतींचा अवलंब केला जातो. येथे उत्पादनही जास्त मिळते.
कर्नाटकात सामान्य खोबरेल तेलासोबतच व्हर्जिन कोकोनट ऑईल, सुके खोबरे, नारळाचे दूध आणि पर्यावरणास अनुकूल काथ्याचे उत्पादन मोठ्या प्रमाणावर होते. हे उद्योग हजारो शेतकऱ्यांना रोजगार देऊन ग्रामीण अर्थव्यवस्थेचा कणा बनले आहेत.
मग कोणत्या शहराला 'नारळ राजधानी' म्हणतात?
राज्यांच्या बाबतीत कर्नाटक आघाडीवर असले तरी, शहरांचा विचार केल्यास तामिळनाडूतील पोल्लाची शहराला 'कोकोनट सिटी' किंवा 'कोकोनट कॅपिटल' अशी ओळख आहे. कोईम्बतूर जिल्ह्यातील पोल्लाची... हिरव्यागार नारळाच्या बागा, काथ्या उद्योग आणि देशातील सर्वात मोठ्या नारळ बाजारासाठी प्रसिद्ध आहे.
कर्नाटक नंबर-१ का आहे?
केरळ, तामिळनाडू आणि आंध्र प्रदेश ही राज्येही देशातील प्रमुख नारळ उत्पादक राज्ये असली तरी... आधुनिक शेती पद्धती, जास्त उत्पादन, शहाळ्यांचा वाढता व्यवसाय आणि मजबूत प्रक्रिया उद्योगांमुळे कर्नाटक सर्वांच्या पुढे आहे. त्यामुळेच कर्नाटक राज्य नारळाचा महत्त्वाचा पत्ता बनले आहे.
