Bihar Man Dies After Vande Bharat Express Hits : बिहारमधील दानापूर विभागातील बाढ रेल्वे स्टेशनवर मंगळवारी एक धक्कादायक घटना घडली. पाटणा-हावडा वंदे भारत एक्सप्रेसची धडक बसल्याने एका व्यक्तीचा मृत्यू झाला.
Bihar Man Dies After Vande Bharat Express Hits : बिहारमध्ये एक धक्कादायक घटना घडली आहे. पूर्व मध्य रेल्वेच्या (ECR) दानापूर विभागातील बाढ रेल्वे स्टेशनवर मंगळवारी पाटणा-हावडा वंदे भारत एक्सप्रेसची धडक बसून एका व्यक्तीचा मृत्यू झाला. ही घटना सकाळी ९ वाजण्याच्या सुमारास प्लॅटफॉर्म नंबर २ वर घडली. दानापूर RPF कमांडंट उदय सिंह पवार यांनी दिलेल्या माहितीनुसार, पीडित व्यक्ती तंबाखू (खैनी) खाल्ल्यानंतर थुंकण्यासाठी प्लॅटफॉर्मच्या अगदी कडेला गेला होता आणि त्याचवेळी ही सेमी-हाय-स्पीड ट्रेन आली.
एका क्षणात, वेगाने येणाऱ्या वंदे भारत एक्सप्रेसने त्याला जोरदार धडक दिली. त्याच्या डोक्याला गंभीर दुखापत झाली आणि तो प्लॅटफॉर्मवर फेकला गेला.
बख्तियारपूर RPF निरीक्षक जवाहर लाल यांनी सांगितलं की, बाढ RPF आणि GRP चे कर्मचारी तात्काळ घटनास्थळी पोहोचले. त्यांनी जखमी व्यक्तीला बाढ सदर रुग्णालयात दाखल केलं. मात्र, उपचारादरम्यान त्याचा मृत्यू झाला.
Related Articles
बाढ येथील GRP अधिकाऱ्यांनी या प्रकरणी अनैसर्गिक मृत्यूची (UD) नोंद केली असून तपास सुरू केला आहे.
या घटनेनंतर दानापूर विभागातील रेल्वे अधिकारी आणि RPF ने प्रवाशांसाठी एक कडक सूचना जारी केली आहे. ट्रेन येताना किंवा जाताना अशा दुर्घटना टाळण्यासाठी प्लॅटफॉर्मपासून सुरक्षित अंतर ठेवावं, असं आवाहन त्यांनी केलं आहे.
