संगीता बिजलानींनी सलमान खानसोबतच्या ब्रेकअपचे कारण सांगितले

९० च्या दशकातील बॉलिवूडमधील (Bollywood top actress Sangeeta Bijlani) शीर्ष अभिनेत्रींपैकी संगीता बिजलानी एक होत्या. चित्रपटांपेक्षा अभिनेता सलमान खान (actor Salman Khan) सोबतच्या नात्यामुळे जास्त चर्चेत राहिलेल्या अभिनेत्रींमध्ये संगीता अव्वल स्थानी आहेत. बराच काळ संगीता बिजलानी आणि सलमान खान प्रेमात होते. दोघेही लग्न करतील अशी जोरदार चर्चा होती. पण ब्रेकअप (breakup) करून दोघेही वेगळे झाले. बॉलिवूडचे हे जोडपे वेगळे का झाले या प्रश्नाचे उत्तर आता मिळाले आहे. 

 अलीकडेच संगीता बिजलानी इंडियन आयडल १५ मध्ये दिसल्या होत्या. यावेळी सलमानसोबतचे प्रेमसंबंध का तुटले याचे उत्तर त्यांनी दिले. माझे जे एक्स होते ना, ते मला त्यांच्या नियंत्रणात ठेवायचे. हे कपडे घालू नकोस, कपडे खूप छोटे असू नयेत, ते लांब असावेत असे नियम होते. पण माझ्याकडून ते शक्य नव्हते. सुरुवातीला मी ते घालण्याचा प्रयत्न केला. सुरुवातीला मला भीती, लाज सगळं वाटायचं. खूप विचार करायचे. पण आता मी कोणालाही घाबरत नाही, असे त्या म्हणाल्या. पण संगीता बिजलानी यांनी कुठेही सलमान खानचे नाव घेतले नाही. यावेळी विशाल ददलानी यांनी एक्सचे नाव सांगण्यास संगीता यांना सांगितले. पण संगीता यांनी नाव सांगण्यास नकार दिला.

संगीताने सल्लूचे नाव घेतले नसले तरी त्यांचा रोख सलमानवरच होता हे त्यांच्या बोलण्यावरून स्पष्ट होते. संगीता बिजलानी आणि सलमान खान यांच्यातील संबंध एकेकाळी खूप चर्चेत होता. टीव्ही जाहिरातीच्या चित्रीकरणादरम्यान दोघांची भेट झाली होती. १९८६ मध्ये त्यांची मैत्री प्रेमात बदलली. त्यांचे प्रेम बॉलिवूडमध्ये चर्चेचा विषय बनले होते. जवळपास एक दशक दोघेही प्रेमात होते. दीर्घकाळच्या नात्यानंतर दोघांनी लग्न करण्याचा निर्णय घेतला. २७ मे १९९४ रोजी लग्न होणार होते. लग्नाचे कार्डही तयार झाले होते. पण वृत्तानुसार, संगीताने सोमी अलीला सलमानच्या खोलीत रंगेहाथ पकडले. त्यानंतर सलमानसोबतचे लग्न मोडले. याबाबत सलमान आणि संगीता यांनी अद्याप काहीही बोलले नाही. कार्यक्रमात लग्नाचे कार्ड तयार झाले होते का, या प्रश्नाला उत्तर देताना संगीता म्हणाल्या, ही अफवा नाही. पण संगीता आणि सलमानचे लग्न मोडण्यास मी कारणीभूत आहे, असे सोमी अलीने यापूर्वी सांगितले होते. संगीताशी लग्न करायला तयार असलेला सलमान माझ्यासोबत डेट करत होता, असे सोमीने यापूर्वी सांगितले होते.

सलमानपासून वेगळी झाल्यानंतर संगीताने १९९६ मध्ये क्रिकेटपटू मोहम्मद अझरुद्दीनशी लग्न केले. पण लग्न फार काळ टिकले नाही. २०१९ मध्ये दोघांचा घटस्फोट झाला. सलमानसोबत ब्रेकअप झाला तरी संगीता आणि सलमानमध्ये मैत्री कायम आहे. अनेक कार्यक्रमांमध्ये दोघेही एकत्र दिसतात.