पाकिस्तानी वराने हेलिकॉप्टरने सासरीवर पैशांचा पाऊस पाडला

लग्नाच्या वेळी वधू आणि वर पक्षाकडून एकमेकांना अनेक गमतीशीर आणि गंभीर मागण्या असतात. काही ठिकाणी हुंडा प्रथेचा प्रचार आहे. तर काही ठिकाणी वधू दक्षिणाही प्रचलित आहे. त्याचप्रमाणे पाकिस्तानात एका सासऱ्याने जावयाकडे एक विचित्र मागणी केली. त्यांच्या हैदराबादमधील घरावर नोटांचा पाऊस पाडण्यास सांगितले. सासऱ्याचे बोलणे गांभीर्याने घेत जावयाने खासगी हेलिकॉप्टर बुक करून पैशांचा पाऊस पाडला असून, याचा व्हिडिओ आता सोशल मीडियावर व्हायरल होत आहे.

सामान्यतः लग्नाच्या वेळी वधू-वरांवर पैसे उधळणे ही काही असामान्य गोष्ट नाही, उत्तर भारतातील लग्नांमध्ये हे सर्व सामान्य आहे. काही जण पैशांचे हार करून वधू-वरांच्या गळ्यात घालतात तर काही जण वरून पैशांचा पाऊस पाडतात. पण शेजारील पाकिस्तानात एका वराने सासऱ्यांची इच्छा पूर्ण करण्यासाठी आकाशातून थेट सासऱ्यांच्या घरावरच पैशांचा पाऊस पाडला.

पाकिस्तानी वधूच्या पालकांनी त्यांच्या नवीन जावयाला त्यांच्या लग्नाच्या खास दिवशी घरावर पैशांचा पाऊस पाडण्यास सांगितले. सासऱ्यांचे बोलणे ऐकून वराने इच्छा पूर्ण करण्यासाठी पैसे घेऊन थेट टेरेसवर गेला नाही, त्याऐवजी त्यांनी कल्पनाही केली नसेल असे थेट खासगी हेलिकॉप्टरच बुक केले. नंतर हेलिकॉप्टरद्वारे घरावर पैशांचा पाऊस पाडला. हा व्हिडिओ सोशल मीडियावर व्हायरल झाला असून, अनेकांचे लक्ष वेधून घेतले आहे.

ट्विटरवर हा व्हिडिओ अमलका नावाच्या व्यक्तीने पोस्ट केला आहे. वधूच्या वडिलांच्या विनंतीनुसार वर पक्षाने वधूच्या पाकिस्तानातील हैदराबाद येथील निवासस्थानावर पैशांचा पाऊस पाडला. मुलाच्या सासरीवाल्यांची इच्छा पूर्ण करण्यासाठी वराच्या वडिलांनी खासगी विमान आणले आणि त्यांच्या घरावर लाखो रुपयांचा पाऊस पाडला असे लिहून व्हिडिओ पोस्ट करण्यात आला आहे. व्हिडिओ पाहून अनेकांनी विविध प्रकारे कमेंट्स केल्या आहेत. पाकिस्तानी रुपयाची किंमत कमी झाली आहे. म्हणूनच लोक पैसे हवेत उडवत आहेत अशी एका व्यक्तीने प्रतिक्रिया दिली आहे. पैशाची किंमत कमी झाल्यावर असे होते असे दुसऱ्याने कमेंट केली आहे. आपण ताबडतोब IMF ला ही बाब कळवून पाकिस्तानला आर्थिक मदत करणे थांबवायला हवे. ते निरुपयोगी कार्यक्रमांवर पैसे खर्च करत आहेत. याचा अर्थ त्यांच्याकडे पैसे आहेत असे दुसऱ्याने कमेंट केली आहे.

तरीही पैसे नाहीत मदत द्या असे म्हणत आंतरराष्ट्रीय नाणेनिधी (IMF) समोर पाकिस्तान हात पसरत असेल तर तिथले लोक पैसे असे पावसाप्रमाणे उधळत आहेत. याबाबत तुमचे काय मत आहे ते कमेंट करून कळवा.