Modi Israel Visit : PM मोदींच्या इस्रायल दौऱ्याची जगभर चर्चा, त्यांच्या विमानावर सगळ्यांची नजर का होती?

Modi Israel Visit : पंतप्रधान मोदी दोन दिवसांच्या इस्रायल दौऱ्यावर पोहोचले आहेत. त्यांच्या 'एअर इंडिया वन' विमानाने एक वेगळाच विक्रम केला. Flightradar24 नुसार, हे विमान जगभरात सर्वाधिक ट्रॅक केले जाणारे विमान ठरले. 

Image Credit : ANI

संपूर्ण जगाचं लक्ष वेधून घेतलं

पंतप्रधान नरेंद्र मोदी दोन दिवसांच्या दौऱ्यासाठी इस्रायलमध्ये दाखल झाले आणि या दौऱ्याने संपूर्ण जगाचं लक्ष वेधून घेतलं. विशेष म्हणजे, त्यांच्या विमानाने प्रवासादरम्यान एक विक्रमच केला. फ्लाईट ट्रॅकिंग प्लॅटफॉर्म 'Flightradar24' नुसार, मोदींचं विमान जगभरात सर्वाधिक ट्रॅक केलेलं विमान ठरलं. मोदींच्या या दोन दिवसांच्या दौऱ्याबद्दल आणि त्यांच्या विमानाने घेतलेल्या विशेष मार्गामुळे जगभरात मोठी उत्सुकता होती. त्यामुळेच 'Flightradar24' वर त्यांच्या विमानाला सर्वाधिक लोकांनी ट्रॅक केलं. 'एअर इंडिया वन' विमानाने पाकिस्तान आणि इराणचा हवाई मार्ग टाळला. हे विमान ओमान, सौदी अरेबिया आणि जॉर्डनमार्गे तेल अवीवच्या बेन गुरियन आंतरराष्ट्रीय विमानतळावर उतरलं. या विमानाच्या ट्रॅकिंगवरून हे स्पष्ट होतं की, मोदींची इस्रायली नेत्यांसोबतची भेट, संभाव्य संरक्षण करार आणि २०१७ नंतरच्या त्यांच्या या दुसऱ्या दौऱ्याबद्दल आंतरराष्ट्रीय स्तरावर प्रचंड उत्सुकता आहे. हे विमान पालम एअर फोर्स स्टेशनवरून निघालं आणि गुजरातवरून अरबी समुद्र पार करत पुढे गेलं. या प्रवासावर जगभरातील लोकांनी ऑनलाईन लक्ष ठेवून होतं.

Image Credit : ANI

लाईव्ह ट्रॅक करत होते

Flightradar24 च्या डेटानुसार, बुधवारी दुपारी ४ वाजता जेव्हा पंतप्रधानांचं विमान सौदी अरेबियातून जॉर्डनच्या हवाई हद्दीत शिरलं, तेव्हा तब्बल ९,२२५ लोक त्याला लाईव्ह ट्रॅक करत होते. या आकडेवारीवरून या दौऱ्यातील जागतिक स्तरावरील रस दिसून येतो.

Image Credit : ANI

पाकिस्तान आणि इराणची हवाई हद्द टाळली

विमानाने पाकिस्तान आणि इराणची हवाई हद्द टाळली. २५ फेब्रुवारी २०२६ च्या सकाळी नवी दिल्लीतील पालम एअर फोर्स स्टेशनवरून विमानाने उड्डाण केले. दिल्लीतून निघाल्यानंतर विमान गुजरातवरून, अरबी समुद्र ओलांडून ओमानला पोहोचले. त्यानंतर सौदी अरेबिया आणि जॉर्डनमार्गे इस्रायलच्या हद्दीत प्रवेश केला. विमान तेल अवीवमधील बेन गुरियन आंतरराष्ट्रीय विमानतळावर उतरले. भारतातून इस्रायलला थेट विमान प्रवासाला साधारणपणे सहा ते सात तास लागतात.

Image Credit : ANI

विशेष बदल केलेले

पंतप्रधानांनी 'एअर इंडिया वन'मधून प्रवास केला. हे एक विशेष विमान आहे, जे पंतप्रधान आणि इतर वरिष्ठ नेत्यांच्या अधिकृत दौऱ्यांसाठी वापरले जाते. हे विमान सहसा बोईंग 777-300ER असून त्यात विशेष बदल केलेले असतात. यामध्ये कमांड सेंटर, सुरक्षित कम्युनिकेशन सिस्टीम आणि संरक्षण प्रणालीसारख्या सुविधा आहेत.

Image Credit : X

नऊ वर्षांतील हा दुसरा इस्रायल दौरा

पंतप्रधान मोदींचा नऊ वर्षांतील हा दुसरा इस्रायल दौरा आहे. यापूर्वी त्यांनी जुलै २०१७ मध्ये इस्रायलला भेट दिली होती. या दौऱ्यात ते इस्रायलचे पंतप्रधान बेंजामिन नेतन्याहू यांच्यासोबत खासगी बैठक घेतील, इस्रायलच्या संसदेला संबोधित करतील आणि तेथे राहणाऱ्या भारतीय समुदायाला भेटतील.

Image Credit : X@narendramodi

हिंदीत 'नमस्ते' आणि हिब्रूमध्ये 'शालोम'

या दौऱ्यात ड्रोन आणि अँटी-बॅलिस्टिक मिसाइल सिस्टीमशी संबंधित संरक्षण करारांवर चर्चा होऊ शकते, असे रिपोर्ट्समध्ये म्हटले आहे. इस्रायलमधील 'द जेरुसलेम पोस्ट' या वृत्तपत्राने पंतप्रधानांचा फोटो पहिल्या पानावर छापून त्यांचे विशेष स्वागत केले. या पानावर हिंदीत 'नमस्ते' आणि हिब्रूमध्ये 'शालोम' असे शब्द होते, ज्यांचा अर्थ 'हॅलो' असा होतो.