Donald Trump Issues Ultimatum to Cuba : व्हेनेझुएलाकडून मिळणारी आर्थिक मदत थांबेल आणि लवकरच अमेरिकेशी करार करणे क्युबासाठी चांगले राहील, असा इशारा ट्रम्प यांनी दिला आहे.
Donald Trump Issues Ultimatum to Cuba : अमेरिकेचे राष्ट्राध्यक्ष डोनाल्ड ट्रम्प यांनी क्युबाला कडक धमकी दिल्याने लॅटिन अमेरिकन प्रदेशात राजकीय तणाव वाढत आहे. व्हेनेझुएलाकडून मिळणारी आर्थिक मदत थांबेल आणि लवकरच अमेरिकेशी करार करणे क्युबासाठी चांगले राहील, असा इशारा ट्रम्प यांनी दिला. ट्रम्प यांनी हा अल्टिमेटम त्यांच्या 'ट्रुथ सोशल' या सोशल मीडिया प्लॅटफॉर्मवरून दिला.
व्हेनेझुएलाकडून क्युबाला आता तेल किंवा पैसे मिळणार नाहीत, असे ट्रम्प यांनी आपल्या पोस्टमध्ये स्पष्ट केले. मात्र, क्युबाबाबत आपली नेमकी योजना काय आहे, हे ट्रम्प यांनी उघड केलेले नाही. दुसऱ्यांदा सत्तेत आल्यास क्युबाच्या कम्युनिस्ट सरकारची आर्थिक कोंडी करण्याचे ट्रम्प यांचे धोरण असू शकते, असे राजकीय विश्लेषकांचे मत आहे.
Related Articles
क्युबाच्या राष्ट्राध्यक्षांचे प्रत्युत्तर
ट्रम्प यांच्या धमकीनंतर लगेचच क्युबाचे राष्ट्राध्यक्ष मिगुएल डायझ-कॅनेल यांनी जोरदार प्रत्युत्तर दिले. क्युबा एक सार्वभौम राष्ट्र आहे आणि काय करावे हे दुसऱ्या कोणत्याही देशाने आम्हाला सांगू नये, असे त्यांनी सुनावले. "मातृभूमीचे रक्षण करण्यासाठी क्युबाचे लोक रक्ताचा शेवटचा थेंब सांडायलाही तयार आहेत," अशी घोषणा त्यांनी केली. अमेरिकेच्या धमक्यांपुढे झुकणार नाही, यावर हवाना ठाम आहे.
