अमेरिका आणि इराण यांच्यात वाढत्या तणावावर चीनने अखेर आपली पहिली प्रतिक्रिया दिली आहे. हा संघर्ष आणखी पसरू नये यासाठी प्रयत्न करण्याचं आवाहन चीनने केलं आहे.
चीनने सोमवारी अमेरिका आणि इराण यांच्यात सुरू असलेल्या वादावर पहिल्यांदाच प्रतिक्रिया दिली आहे. हा संघर्ष मध्य पूर्वेत (Middle East) आणखी पसरू नये, यासाठी प्रयत्न करावेत असं चीनने म्हटलं आहे. चीनच्या परराष्ट्र मंत्रालयाने एका निवेदनात म्हटलं आहे की, "ही लढाई आणखी भडकू नये याची काळजी घ्या."
अमेरिका आणि इस्रायलने इराणच्या ठिकाणांवर हल्ले केले होते. यानंतर इराणनेही प्रत्युत्तर म्हणून मध्य पूर्वेत क्षेपणास्त्र आणि ड्रोन हल्ले केले. या सगळ्यामुळे अमेरिका आणि इराणमधील तणाव प्रचंड वाढला आहे. याच पार्श्वभूमीवर चीनने हे वक्तव्य केलं आहे.
