SBI-HDFC ला मागे टाकलं! ही बँक FD वर देतेय 7.75% व्याज, ग्राहकांची लागली लॉटरी
Best FD Interest Rates : अनेकजण डोळे झाकून मोठ्या सरकारी किंवा खासगी बँकांमध्ये FD करतात. पण तुम्हाला माहित आहे का, एक अशी बँक आहे जी व्याजाच्या बाबतीत SBI-HDFC लाही मागे टाकत आहे? जाणून घ्या ही बँक कोणती आहे आणि किती व्याज देत आहे...
कोटक महिंद्रा बँक (Kotak Mahindra Bank)
कोटक महिंद्रा बँक ज्येष्ठ नागरिकांना १५ महिने ते ३ वर्षांच्या मुदतीवर ७.२०% व्याज देत आहे. तर, सामान्य ग्राहकांना याच कालावधीसाठी ६.७०% पर्यंत परतावा मिळत आहे.
ICICI Bank
ICICI बँक ज्येष्ठ नागरिकांना ३ ते ५ वर्षांच्या FD वर ७.१०% व्याज देत आहे. तर सामान्य ग्राहकांना ३ ते १० वर्षांच्या दीर्घ मुदतीवर ६.৫০% व्याज मिळत आहे.
स्टेट बँक ऑफ इंडिया (SBI)
देशातील सर्वात मोठी सरकारी बँक सुरक्षेच्या बाबतीत नंबर-१ आहे, पण व्याजदर थोडे कमी आहेत. इथे ज्येष्ठ नागरिकांना ५ ते १० वर्षांच्या FD वर जास्तीत जास्त ७.०५% व्याज मिळत आहे. तर, सामान्य लोकांसाठी २ ते ३ वर्षांच्या मुदत ठेवीवर ६.४५% व्याज आहे.
HDFC Bank
देशातील सर्वात मोठी खासगी बँक HDFC, ज्येष्ठ नागरिकांना १८ महिने ते ३ वर्षांच्या FD वर ६.९५% व्याज देत आहे. तर सामान्य ग्राहकांना ३ ते ५ वर्षांच्या मुदतीवर ६.५०% व्याज मिळत आहे.
येस बँक (YES Bank)
सध्या FD रिटर्न देण्याच्या बाबतीत मोठ्या बँकांच्या यादीत YES Bank सर्वात पुढे आहे. ही बँक ज्येष्ठ नागरिकांना ३ ते ५ वर्षांच्या FD वर तब्बल ७.७५% व्याज देत आहे. सामान्य नागरिकांसाठी १.५ ते ५ वर्षांच्या FD वर ७% व्याज आहे.
FD गुंतवणूक का चांगली मानली जाते?
बचत खात्यात (Savings Account) पैसे ठेवल्यास खूप कमी व्याज मिळतं. पण FD मध्ये तुम्हाला ठराविक वेळेसाठी निश्चित परताव्याची हमी मिळते. तुम्ही ७ दिवसांपासून ते १० वर्षांपर्यंत गुंतवणूक करू शकता. जे लोक शेअर बाजाराच्या जोखमीपासून दूर राहून सुरक्षित कमाई करू इच्छितात, त्यांच्यासाठी हा सर्वोत्तम पर्याय आहे.
डिस्क्लेमर: या लेखातील माहिती केवळ शैक्षणिक हेतूंसाठी (Informational Purposes) आहे. फिक्स्ड डिपॉझिटचे (FD) व्याजदर बँकांकडून वेळोवेळी बदलले जातात. त्यामुळे गुंतवणूक करण्यापूर्वी संबंधित बँकेच्या अधिकृत वेबसाइटवर जाऊन नवीन दर नक्की तपासा. कोणतीही गुंतवणूक करण्यापूर्वी तुमच्या आर्थिक सल्लागाराचा (Financial Advisor) सल्ला अवश्य घ्या.
