Weight Loss: भात खाऊन वजन घटवा! जाणून घ्या भात खाण्याची योग्य पद्धत कोणती आहे?
Weight Loss: वजन कमी करण्यासाठी तुम्ही भात खाणं सोडलंय का? पण थांबा, भात न सोडताही तुम्ही अगदी सहज वजन कमी करू शकता. फक्त भात कसा खायचा हे तुम्हाला माहीत असायला हवं. भात खाण्याची योग्य पद्धत जाणून घ्या
भात खाल्ल्याने वजन वाढतं?
अनेकांचा समज असतो की भात खाल्ल्याने वजन वाढतं. पण तज्ज्ञांच्या मते, गरम भाताऐवजी थंड किंवा शिळा भात खाल्ल्यास वजन कमी करणं सोपं होतं. जेव्हा आपण गरम भात खातो, तेव्हा त्यातील स्टार्च लवकर पचतो आणि रक्तातील ग्लुकोजची पातळी वाढते. याउलट, भात शिजवून 12 ते 24 तास फ्रिजमध्ये ठेवल्यास त्यातील स्टार्च 'रेझिस्टंट स्टार्च'मध्ये बदलतो. हा स्टार्च लवकर पचत नाही, त्यामुळे शरीराला कमी कॅलरीज मिळतात.
रेझिस्टंट स्टार्चचे काम
रेझिस्टंट स्टार्च फायबरप्रमाणे काम करतो. तो हळूहळू पचतो, त्यामुळे पोट बराच वेळ भरलेलं राहतं आणि लवकर भूक लागत नाही. यामुळे जंक फूड खाण्याची इच्छाही कमी होते. थंड भात खाल्ल्याने शरीरात साखर हळूहळू रिलीज होते, ज्यामुळे इन्सुलिनची पातळी नियंत्रणात राहते आणि चरबी जमा होण्याची प्रक्रिया मंदावते. यासाठी भात शिजवून तो थंड होऊ द्या. नंतर 12 ते 24 तास फ्रिजमध्ये ठेवा आणि दुसऱ्या दिवशी खा. हवं असल्यास शिजवताना त्यात थोडं खोबरेल तेल किंवा एक चमचा तूपही घालू शकता.
