Vastu Tips: संपत्ती आणि सुख मिळण्यासाठी घरात मनी प्लांट कोणत्या दिशेला ठेवावे?
Vastu Tips: घरात हिरवीगार रोपं लावल्याने मन प्रसन्न राहतं. यात मनी प्लांटचाही समावेश आहे. पण वास्तू तज्ज्ञांच्या मते, हे रोप कुठेही लावू नये. ते कुठे आणि का लावावं, त्याचे नेमके फायदे काय आहेत हे जाणून घेऊयात या लेखातून
15
Image Credit : Getty
मनी प्लांटसाठी वास्तूचे नियम
वास्तुशास्त्रानुसार, मनी प्लांट घरात असेल तर नशीब, संपत्ती आणि सकारात्मक ऊर्जा येते, असा अनेकांचा विश्वास आहे. म्हणूनच अनेक घरांमध्ये मनी प्लांट आवर्जून लावलं जातं. पण हे रोप कुठेही लावून चालत नाही. योग्य दिशेला लावल्यास चांगले परिणाम मिळतात, तर चुकीच्या दिशेमुळे घरात नकारात्मकता येऊ शकते. चला तर मग, मनी प्लांट घरात कुठे ठेवावं ते जाणून घेऊया.
25
Image Credit : Getty
ही दिशा आहे सर्वात शुभ
वास्तुशास्त्रानुसार, मनी प्लांट घराच्या आग्नेय (South-East) दिशेला ठेवणं सर्वात शुभ मानलं जातं. आग्नेय दिशा ही अग्नी तत्त्वाची आहे आणि या दिशेचा स्वामी शुक्र ग्रह आहे. शुक्र ग्रह संपत्ती, सुख-समृद्धी आणि ऐश्वर्याचं प्रतीक आहे. त्यामुळे या दिशेला मनी प्लांट ठेवल्यास घरात आर्थिक स्थिती सुधारते आणि कुटुंबात सुख-शांती वाढते, असा विश्वास आहे. विशेषतः व्यावसायिक किंवा नोकरीत प्रगतीची इच्छा असणाऱ्यांनी हे रोप नक्की लावावं.
35
Image Credit : Getty
रोप घरातच लावा, पण...
मनी प्लांट घराच्या आत लावणं चांगलं मानलं जातं. तुम्ही हे रोप बाल्कनी, हॉल किंवा खिडकीजवळ ठेवू शकता. थेट सूर्यप्रकाश टाळून, पुरेशा उजेडात हे रोप चांगलं वाढतं. या रोपाची पानं हिरवीगार आणि निरोगी असतील, तर घरात सकारात्मक ऊर्जा वाढते, असं काहीजण मानतात. त्यामुळे वाळलेली पानं वेळोवेळी काढून टाकावीत. वास्तुशास्त्रानुसार, मनी प्लांटची वेल जमिनीवर पसरू देऊ नये. ती वरच्या दिशेने चढेल किंवा लटकलेली असेल, तर ते शुभ मानलं जातं. कारण वरच्या दिशेने वाढणारं रोप प्रगतीचं प्रतीक मानलं जातं.
45
Image Credit : meta ai
या दिशेला मनी प्लांट नकोच!
वास्तुशास्त्रानुसार मनी प्लांट कधीही ईशान्य (North-East) दिशेला ठेवू नये. या दिशेला जड वस्तू किंवा काही विशिष्ट रोपं ठेवणं अशुभ मानलं जातं. विशेषतः मनी प्लांट या दिशेला ठेवल्यास आर्थिक समस्या येऊ शकतात, असं वास्तु तज्ज्ञ सांगतात. तसेच, हे रोप घराबाहेर मुख्य दरवाजाजवळ न लावलेलंच बरं.
55
Image Credit : istocks
रोप सुकू नये म्हणून...
तुम्ही मनी प्लांट पाण्यात किंवा मातीत, दोन्ही प्रकारे वाढवू शकता. पण कोणत्याही प्रकारे वाढवलं तरी, रोप निरोगी राहील याची काळजी घ्या. हे रोप केवळ घराचं सौंदर्यच वाढवत नाही, तर एक प्रसन्न वातावरणही तयार करतं. वास्तु तज्ज्ञांच्या मते, मनी प्लांट कोणाला भेट देणं देखील शुभ मानलं जातं.
