Onion Peel : कांद्याची साल कचऱ्यात फेकताय? थांबा! तिचे हे फायदे वाचून थक्क व्हाल!

Unexpected Uses of Onion Peels You Did Not Know : आपण सगळेच कांद्याची सालं कचरा समजून फेकून देतो. पण तुम्हाला माहित आहे का, या सालींमध्ये सल्फर आणि अँटी-ऑक्सिडंट्स भरपूर प्रमाणात असतात. घरातल्या अनेक कामांसाठी याचा उपयोग होऊ शकतो.

Image Credit : Getty

सालीचेही फायदे

कांदा आरोग्यासाठी किती चांगला आहे, हे वेगळं सांगायला नको. जेवणाची चव वाढवण्यासाठी तर कांदा हवाच. पण जेवढे फायदे कांद्याचे आहेत, तेवढेच त्याच्या सालीचेही आहेत. अनेकांना हे माहित नसतं की कांद्याच्या सालींमध्ये अँटी-ऑक्सिडंट्स आणि व्हिटॅमिन्स भरपूर असतात. आरोग्य, सौंदर्य आणि घरगुती कामांसाठीही याचा खूप उपयोग होतो. चला तर मग पाहूया याचा वापर कसा करायचा.

Image Credit : Getty

1. झाडांसाठी नैसर्गिक खत (Natural Fertilizer):

झाडांच्या वाढीसाठी कांद्याची सालं म्हणजे एक वरदानच आहे. आपण याचा नैसर्गिक खत म्हणून वापर करू शकतो. यासाठी कांद्याची सालं रात्रभर पाण्यात भिजवून ठेवा आणि ते पाणी झाडांना घाला. यातील पोटॅशियम आणि कॅल्शियममुळे झाडं हिरवीगार आणि निरोगी राहतात. हे पाणी नैसर्गिक कीटकनाशकाचंही काम करतं.

2. केसांच्या वाढीसाठी (Hair Care):

केसगळती कमी करून केस दाट वाढवण्यासाठी कांद्याच्या सालीचं पाणी खूप फायदेशीर ठरतं. यासाठी, कांद्याची सालं पाण्यात टाकून चांगली उकळवा. पाण्याचा रंग बदलल्यावर गॅस बंद करा. पाणी कोमट झाल्यावर ते केसांच्या मुळांना लावा. एका तासाने केस धुवा. यामुळे केसांना नैसर्गिक चमक आणि रंग येतो.

Image Credit : Istock

3. कांद्याच्या सालीचा चहा (Health Drink):

ऐकायला विचित्र वाटेल, पण हा चहा आरोग्यासाठी खूप चांगला आहे. हा चहा प्यायल्याने ब्लड प्रेशर (BP) नियंत्रणात राहतं, ॲलर्जी कमी होते आणि वजन कमी (Weight loss) करायलाही मदत मिळते. सालींमध्ये असलेलं 'क्वेरसेटिन' (Quercetin) नावाचं तत्व शरीरातील इन्फेक्शनशी लढतं.

4. चमकदार त्वचेसाठी (Skin Care):

त्वचेवरील डाग आणि खाज कमी करण्यासाठी कांद्याच्या सालीचं पाणी उपयोगी पडतं. साली उकळलेलं पाणी चेहऱ्यावर टोनरसारखं लावा. यामुळे त्वचा चमकदार होते. यातील अँटी-इन्फ्लेमेटरी गुणधर्म त्वचेचं रक्षण करतात.

5. घर स्वच्छ करण्यासाठी (Cleaning):

किचनमधील तेलकट डाग आणि दुर्गंध घालवण्यासाठी हा एक उत्तम घरगुती उपाय आहे. कांद्याच्या सालीच्या पाण्याने किचनचा ओटा किंवा सिंक पुसल्यास बॅक्टेरिया नष्ट होतात आणि नकोसा वासही निघून जातो.