ड्रायव्हिंग शिकला नसाल तर ही बातमी वाचा, नवशिक्यांसाठी या आहेत 5 सर्वोत्तम कार्स
Top 5 Cars For Beginners In India : नवशिक्यांसाठी आणि पहिल्यांदा कार खरेदी करणाऱ्यांसाठी योग्य वाहन निवडताना काही गोष्टी लक्षात ठेवणे आवश्यक आहे. भारतात नवशिक्यांसाठी सर्वोत्तम 5 कार कोणत्या आहेत ते पाहूया.
ह्युंदाई ग्रँड i10 निओस
ह्युंदाई ग्रँड i10 निओस ही स्टाईल, आराम आणि व्यावहारिकतेचा उत्तम मिलाफ आहे. सहज हाताळता येणारे स्टीयरिंग, गाडीचा लहान आकार आणि स्मूथ पेट्रोल इंजिन यामुळे ही गाडी नवशिक्यांसाठी योग्य ठरते. याचे सीएनजी मॉडेलही उपलब्ध आहे.
ह्युंदाई वेन्यू
तुम्हाला फार मोठी नसलेली एसयूव्ही हवी असेल, तर ह्युंदाई वेन्यू एक उत्तम पर्याय आहे. शहरातील ट्रॅफिकमध्ये ही गाडी सहज चालवता येते. ज्यांना जास्त पॉवर हवी आहे, त्यांच्यासाठी टर्बो इंजिनचा पर्यायही उपलब्ध आहे.
टाटा टियागो
टाटाची टियागो ही सर्वात सुरक्षित हॅचबॅकपैकी एक आहे. ग्लोबल NCAP सेफ्टी रेटिंगमध्ये टियागोला 4 स्टार मिळाले आहेत. कमी खर्चात देखभाल आणि गर्दीच्या रस्त्यांवर सहज हाताळणी ही टियागोची वैशिष्ट्ये आहेत.
टाटा पंच
नवशिक्यांसाठी टाटा पंच हा एक उत्तम पर्याय आहे. मायक्रो-एसयूव्ही प्रकारातील या गाडीला तुलनेने जास्त ग्राउंड क्लिअरन्स मिळतो. कमांडिंग ड्रायव्हिंग पोझिशन हे या गाडीचे आणखी एक वैशिष्ट्य आहे. शहरांमध्ये ही गाडी कोणत्याही त्रासाशिवाय चालवता येते.
मारुती स्विफ्ट
मारुतीचे लोकप्रिय मॉडेल स्विफ्ट नवशिक्यांसाठी एक योग्य गाडी आहे. ही गाडी तिच्या लूक आणि स्टाइलने कोणालाही आकर्षित करते. शिवाय, ही गाडी हाताळायला खूप सोपी आहे. मारुतीचा विश्वास आणि देशभरातील सर्व्हिस नेटवर्क हे ग्राहकांना आकर्षित करणारे घटक आहेत.
