PM Awas Yojana 2.0 : प्रधानमंत्री आवास योजना 2.0 च्या माध्यमातून मिळवा हक्काचं घर, पात्रता काय? अर्ज कसा कराल?

PM Awas Yojana 2.0 : प्रधानमंत्री आवास योजना 2.0 (PMAY 2.0) अंतर्गत गरजूंना आणि आर्थिकदृष्ट्या मागास घटकांना स्वतःचे घर मिळवण्यासाठी थेट आर्थिक सहाय्य प्रदान केले जात आहे. 

Image Credit : Social Media

मुंबई : प्रत्येक भारतीयाचे स्वतःच्या घराचे स्वप्न साकार व्हावे, यासाठी केंद्र सरकारने 2015 मध्ये प्रधानमंत्री आवास योजना (PMAY) सुरू केली. या योजनेमुळे आतापर्यंत लाखो कुटुंबांना घरकुल मिळालं असून, आता याच योजनेचा दुसरा टप्पा प्रधानमंत्री आवास योजना 2.0 (PMAY 2.0) अधिक व्यापक रूपात लागू करण्यात आला आहे. या योजनेद्वारे सरकार गरजूंना आणि आर्थिकदृष्ट्या मागास घटकांना स्वतःचे घर मिळवून देण्यासाठी थेट आर्थिक सहाय्य प्रदान करणार आहे.

Image Credit : Social Media

योजनेची वैशिष्ट्ये काय आहेत? PMAY 2.0 का महत्त्वाची?

'घर' ही प्रत्येक व्यक्तीची मूलभूत गरज आहे. परंतु, अनेक कुटुंबं अजूनही झोपडपट्टी, भाड्याचं घर किंवा असुरक्षित निवास व्यवस्थेत राहतात. उत्पन्न कमी असल्यामुळे स्वतःचं घर घेणं त्यांच्यासाठी दूरचं स्वप्न बनतं. यासाठीच PMAY 2.0 हे स्वप्न साकार करण्यासाठी पुढचं पाऊल आहे. अधिकाधिक कुटुंबांपर्यंत घराचा लाभ पोहोचवण्यासाठी ही योजना आता विस्तारली गेली आहे.

Image Credit : Social Media

कोणते गट असतील प्राधान्यक्रमात?

PMAY 2.0 योजनेअंतर्गत, समाजातील वंचित, दुर्बल आणि गरजू घटकांना विशेष प्राधान्य दिलं जाणार आहे. यामध्ये समावेश होतो.

झोपडपट्ट्यांतील रहिवासी

अनुसूचित जाती (SC) आणि अनुसूचित जमाती (ST)

अल्पसंख्यांक समुदाय

विधवा, अपंग, निराधार व्यक्ती

सफाई कर्मचारी, अंगणवाडी सेविका, कारागीर

या सर्व लाभार्थ्यांना घर बांधणीसाठी थेट आर्थिक मदत मिळणार आहे.

Image Credit : Social Media

पात्रता निकष, कोण करू शकतो अर्ज?

या योजनेचा लाभ घेण्यासाठी अर्जदाराचे उत्पन्न खालील गटांमध्ये असणे आवश्यक आहे.

1. EWS (आर्थिकदृष्ट्या दुर्बल घटक)

वार्षिक उत्पन्न ₹3 लाखांपर्यंत

2. LIG (कमी उत्पन्न गट)

वार्षिक उत्पन्न ₹3 लाख ते ₹6 लाख दरम्यान

3. MIG (मध्यम उत्पन्न गट)

वार्षिक उत्पन्न ₹6 लाख ते ₹9 लाख दरम्यान

महत्त्वाची अट: अर्जदाराकडे देशभरात कुठेही स्वतःचे पक्के घर नसावे.

Image Credit : Social Media

अर्ज प्रक्रिया, कसे कराल नोंदणी?

PMAY 2.0 साठी अर्ज करण्यासाठी खालील पर्याय उपलब्ध आहेत.

ऑनलाइन अर्ज

PMAY अधिकृत संकेतस्थळावर जाऊन स्वतः अर्ज करू शकता.

ऑफलाइन अर्ज

स्थानिक महानगरपालिका, नगर परिषद, किंवा ग्रामपंचायत कार्यालयात जाऊन अर्ज सादर करता येईल.

अर्जाची पडताळणी झाल्यानंतर, पात्र लाभार्थ्यांना सरकारकडून थेट बँक खात्यात आर्थिक सहाय्य जमा केलं जाईल. या रकमेचा वापर घर बांधण्यासाठी किंवा खरेदीसाठी करता येतो.

Image Credit : Social Media

तुमचं स्वप्न… आता शक्य आहे!

PMAY 2.0 ही योजना म्हणजे केवळ एक सरकारी उपक्रम नाही, तर लाखो गरजूंसाठी स्वतःच्या घराचे स्वप्न पूर्ण करण्याची संधी आहे. जर तुम्ही वरीलपैकी कोणत्याही पात्रता गटात येत असाल, तर अजिबात वेळ न घालवता आजच अर्ज करा आणि तुमच्या हक्काच्या घरासाठी पहिलं पाऊल उचला!