Personal Loan vs Credit Card EMI : पर्सनल लोन आणि क्रेडिट कार्ड EMI हे दोन्ही आर्थिक मदतीचे पर्याय असले तरी त्यांच्या वापरात आणि खर्चात मोठा फरक आहे. याबद्दलच सविस्तर जाणून घेऊया.
Personal Loan vs Credit Card EMI : पैशांची गरज अचानक निर्माण झाल्यावर लोकांचा सर्वात सहज उपलब्ध पर्याय म्हणजे पर्सनल लोन आणि क्रेडिट कार्ड EMI. दोन्ही सुविधांचा हेतू आर्थिक मदत करणे हा असला, तरी त्यांची प्रक्रिया, व्याजदर, परतफेडीची अट आणि योग्य वापर यात महत्त्वाचे फरक आहेत. त्यामुळे कोणता पर्याय आर्थिकदृष्ट्या फायदेशीर ठरेल हे जाणून घेणे गरजेचे आहे. चुकीचा निर्णय घेतल्यास व्याजाचा भार वाढू शकतो आणि क्रेडिट स्कोरलाही फटका बसू शकतो.
पर्सनल लोन
पर्सनल लोन हे बँक किंवा NBFC द्वारे दिले जाणारे अनसिक्युर्ड कर्ज आहे, ज्यासाठी कोणतीही तारण किंवा सिक्युरिटी आवश्यक नसते. मोठ्या रकमेची गरज असेल तर हा उत्तम पर्याय मानला जातो. पर्सनल लोनचा व्याजदर साधारणपणे 10% ते 20% दरम्यान असतो आणि परतफेडीची मुदत 1 ते 5 वर्षे असते. एकदाच मोठी रक्कम हवी असल्यास हा पर्याय चांगला ठरतो. शिवाय कर्ज प्रक्रिया तुलनेने औपचारिक असते—डॉक्युमेंट तपासणी, रोजगार व उत्पन्न पडताळणी आवश्यक असते. पण वेळेवर EMI न भरल्यास दंड आणि क्रेडिट स्कोअरवर मोठा परिणाम होऊ शकतो.
Related Articles
क्रेडिट कार्ड EMI
क्रेडिट कार्ड EMI हे कार्डावर केलेल्या खरेदीचे पेमेंट हप्त्यांमध्ये करण्याची सुविधा आहे. मोठ्या खरेदीसाठी पैसे नसल्यावर किंवा शॉर्ट-टर्म मॅनेजमेंटसाठी हा चांगला पर्याय असतो. क्रेडिट कार्ड EMIवरील व्याज साधारण 13% ते 24% किंवा त्यापेक्षा जास्तही असू शकते. काही वेळा झिरो कॉस्ट EMI ऑफर असते, पण त्यात प्रोसेसिंग फी व GST सारखे चुपचाप खर्च जोडलेले असू शकतात. यात कर्ज प्रक्रिया अगदी तत्काळ होते आणि डॉक्युमेंटेशनची गरज नसते. परंतु थकबाकी कार्डवर राहिल्यास व्याजदर अगदी 35%-40% पर्यंत पोहोचू शकतो.
दोन्ही पर्यायांमध्ये सर्वात मोठा फरक म्हणजे कर्जाची गरज आणि खर्च. तुमची गरज मोठी असेल (उदा. मेडिकल, लग्न, घर दुरुस्ती), दीर्घ काळासाठी EMI हवी असेल आणि व्याजाचा भार कमी हवा असेल तर पर्सनल लोन योग्य ठरते. पण खरेदीसाठी तातडीने रक्कम नसेल आणि 3 ते 12 महिन्यांत हप्ते देण्याची सोय असेल तर क्रेडिट कार्ड EMI सोयीचा पर्याय ठरतो. मात्र कार्ड पेमेंट डिफॉल्ट टाळणे अत्यंत महत्त्वाचे, नाहीतर व्याजाचा फटका जास्त बसतो.
शेवटी, कोणता पर्याय स्वस्त? सरळ उत्तर म्हणजे बहुतेक वेळा पर्सनल लोन स्वस्त आणि सुरक्षित, कारण क्रेडिट कार्ड EMI मध्ये हिडन चार्ज व उच्च व्याजाचा धोका असतो. तरीही झिरो-कॉस्ट EMI आणि वेळेवर हप्ता भरण्याचा आत्मविश्वास असल्यास क्रेडिट कार्ड EMI ही फायदेशीर ठरू शकते. दोन्हीचा योग्य वापर केल्यास आर्थिक नियोजन सुलभ होते, पण अति अवलंबित्व टाळणेच शहाणपणाचे आहे.
