New Mobile: विवो लवकरच भारतात आपली V70 सीरीज लाँच करणार आहे, या सीरीजमध्ये विवो V70 आणि विवो V70 एलीट हे स्मार्टफोन्स समाविष्ट आहेत. विवो V70 सीरीजच्या मोबाईल फोन्सची वैशिष्ट्ये आणि फीचर्स सविस्तर जाणून घेऊया.
New Mobile: दिल्ली: विवो 2025-26 मध्ये भारतीय स्मार्टफोन बाजारात आघाडीवर असून, 20 ते 23 टक्के मार्केट शेअरसह सॅमसंग आणि शाओमीला मागे टाकून अव्वल स्थानी आहे. उत्तम कॅमेरा, स्टाइलिश डिझाइन आणि आक्रमक मार्केटिंगमुळे स्वस्त ते प्रीमियम श्रेणीत विवोची लोकप्रियता सर्वाधिक आहे. कंपनीचे भारतात मजबूत रिटेल नेटवर्क आणि उत्पादन केंद्रे आहेत. विवो फोन त्यांच्या उच्च-गुणवत्तेच्या कॅमेरा (विशेषतः सेल्फी), नवीन डिझाइन, 5G कनेक्टिव्हिटी आणि स्पर्धात्मक किमतींसाठी ओळखले जातात.
विवो आपली V70 सीरीज भारतात लाँच करण्याच्या तयारीत आहे. या सीरीजमध्ये विवो V70 आणि विवो V70 एलीट या दोन मॉडेल्सचा समावेश आहे. या दोन्ही फोन्सचे कॅमेरा तंत्रज्ञान विवोने जर्मन ऑप्टिक्स ब्रँड Zeiss सोबत मिळून विकसित केले आहे. विवोने V70 सीरीजच्या भारतातील लाँचची नेमकी तारीख जाहीर केली नसली तरी, फेब्रुवारीच्या सुरुवातीला हे फोन्स लाँच होण्याची शक्यता आहे.
विवो V70 सीरीजचे स्मार्टफोन्स
विवो V70 सीरीजचे स्मार्टफोन्स मेटल फ्रेम आणि 6.59-इंचाच्या फ्लॅट डिस्प्लेसह भारतीय बाजारात येतील. या डिस्प्लेमध्ये 1.5K AMOLED पॅनल वापरले जाईल. हा डिस्प्ले 120Hz रिफ्रेश रेट आणि 5,000 निट्सची ब्राईटनेस देईल. विवो V70 एलीटमध्ये क्वालकॉम स्नॅपड्रॅगन 8s जेन 3 चिपसेट असेल. दोन्ही फोन्समध्ये LPDDR5X रॅम आणि UFS 4.1 स्टोरेज मिळेल.
Related Articles
विवो V70 सीरीजच्या फोन्समध्ये सोनी IMX766 सेन्सरसह 50MP चा मुख्य कॅमेरा असेल. विवो V70 आणि विवो V70 एलीट या दोन्हीमध्ये IMX882 सेन्सर तंत्रज्ञानासह 50-मेगापिक्सलचा Zeiss टेलीफोटो कॅमेरा समाविष्ट असेल. हा टेलीफोटो कॅमेरा 3x ऑप्टिकल झूम आणि 100x डिजिटल झूम देईल. दोन्ही फोन्समध्ये 3x झूम क्षमतेवर 60fps वेगाने 4K व्हिडिओ रेकॉर्डिंग करता येईल. सेल्फी आणि व्हिडिओ कॉलिंगसाठी विवो V70 सीरीजमध्ये 50MP चा कॅमेरा असेल.
विवो V70 सीरीज: इतर फीचर्स
विवो V70 सीरीजमध्ये नवीन AI-आधारित कॅमेरा टूल्स सादर केले जातील. यामध्ये एआय मॅजिक वेदर, एआय फ्लोरल ब्लेसिंग आणि एआय होली पोर्ट्रेट यांचा समावेश आहे. विवो V70 पॅशन रेड आणि लेमन यलो रंगात उपलब्ध असेल, तर विवो V70 एलीट सँड बेज, पॅशन रेड आणि ऑथेंटिक ब्लॅक रंगांमध्ये उपलब्ध होईल. विवो V70 आणि विवो V70 एलीट या दोन्ही फोन्समध्ये 90W फास्ट चार्जिंगसह 6500 mAh बॅटरी असेल. या स्मार्टफोन्सना IP68 आणि IP69 रेटिंग मिळेल.
