Namo Shetkari Yojana: शेतकऱ्यांसाठी आनंदाची बातमी! 'नमो शेतकरी' योजनेचा ८ वा हप्ता जमा; ९० लाख शेतकऱ्यांच्या खात्यात १८०० कोटी ट्रान्सफर

Namo Shetkari Yojana: महाराष्ट्र सरकारने 'नमो शेतकरी महासन्मान निधी' योजनेचा 8 वा हप्ता शेतकऱ्यांच्या खात्यात जमा केला. सुमारे ९० लाख शेतकऱ्यांना १८०० कोटी रुपयांचा निधी मिळाला असून, लाभार्थी nsmny.mahait.org या वेबसाइटवर आपले स्टेटस तपासू शकतात.

Image Credit : iSTOCK

शेतकऱ्यांसाठी आनंदाची बातमी! 'नमो शेतकरी' योजनेचा ८ वा हप्ता जमा

मुंबई: राज्यातील बळीराजासाठी आजचा दिवस आनंदाचा ठरला आहे. महाराष्ट्र सरकारच्या महत्त्वाकांक्षी 'नमो शेतकरी महासन्मान निधी' योजनेचा आठवा हप्ता आज शेतकऱ्यांच्या बँक खात्यात जमा करण्यात आला आहे. मुख्यमंत्री देवेंद्र फडणवीस यांनी आज विधानसभेत यासंदर्भात अधिकृत घोषणा केली. या निर्णयामुळे राज्यातील सुमारे ९० लाख शेतकऱ्यांच्या खात्यात एकूण १८०० कोटी रुपयांचा निधी थेट वर्ग (DBT) करण्यात आला आहे.

Image Credit : Getty

काय म्हणाले मुख्यमंत्री?

विधानसभेत विरोधकांच्या अंतिम आठवडा प्रस्तावावर उत्तर देताना मुख्यमंत्री देवेंद्र फडणवीस यांनी माहिती दिली की, “केंद्र सरकारचे ६,००० आणि राज्य सरकारचे ६,००० रुपये अशा एकत्रित मदतीमुळे शेतकऱ्यांना मोठा आधार मिळत आहे. आतापर्यंत दोन्ही योजनांच्या माध्यमातून शेतकऱ्यांच्या खात्यात तब्बल ५४ हजार कोटी रुपये जमा झाले आहेत.” 

Image Credit : Getty

तुमचे पैसे आले का? 'असे' तपासा स्टेटस (Step-by-Step Guide)

तुमच्या खात्यात हप्त्याचे पैसे जमा झाले आहेत की नाही, हे तपासण्यासाठी खालील सोप्या स्टेप्स फॉलो करा.

१. अधिकृत वेबसाइटला भेट द्या: सर्वप्रथम तुमच्या मोबाईल किंवा लॅपटॉपवर nsmny.mahait.org ही लिंक ओपन करा.

२. Beneficiary Status निवडा: होमपेजवर तुम्हाला 'Beneficiary Status' हा पर्याय दिसेल, त्यावर क्लिक करा.

३. मोबाईल नंबर किंवा रजिस्ट्रेशन नंबर: स्टेटस पाहण्यासाठी तुम्ही मोबाईल नंबर किंवा रजिस्ट्रेशन नंबर यापैकी एक पर्याय निवडू शकता.

४. कॅप्चा कोड भरा: तुमचा नंबर टाकल्यानंतर स्क्रीनवर दिसणारा कॅप्चा कोड अचूक भरा आणि 'Get Data' वर क्लिक करा. तुमची सर्व माहिती स्क्रीनवर दिसेल. 

Image Credit : iSTOCK

नोंदणी क्रमांक माहित नसेल तर काय करावे?

जर तुम्हाला तुमचा रजिस्ट्रेशन नंबर माहीत नसेल, तर तिथेच असलेल्या 'Know Your Registration No' या पर्यायावर क्लिक करा. तुमचा आधार नंबर टाका आणि मोबाईलवर आलेला OTP भरल्यानंतर तुम्हाला तुमचा नोंदणी क्रमांक मिळेल.