Motorola Deal: प्रसिद्ध ई-कॉमर्स प्लॅटफॉर्म ॲमेझॉनवर Motorola Edge 60 Pro ची किंमत 28,000 रुपयांपेक्षा कमी झाली आहे. MediaTek Dimensity 8350 Extreme प्रोसेसर, 6000mAh बॅटरी आणि 50MP ट्रिपल कॅमेरा ही या फोनची मुख्य वैशिष्ट्ये आहेत.
Motorola Deal: प्रसिद्ध ई-कॉमर्स प्लॅटफॉर्म ॲमेझॉनवर मोटोरोलाचा नवीन स्मार्टफोन Motorola Edge 60 Pro आता 28,000 रुपयांपेक्षा कमी किमतीत उपलब्ध आहे. या फोनची लाँचिंग किंमत 29,999 रुपये होती, पण आता तो ग्राहकांना 27,989 रुपयांना मिळत आहे. याशिवाय, निवडक क्रेडिट कार्ड वापरणाऱ्या ग्राहकांना 1,500 रुपयांची अतिरिक्त सूटही मिळेल. जे ग्राहक एकदम पूर्ण रक्कम भरू शकत नाहीत, त्यांच्यासाठी दरमहा 984 रुपयांपासून सुरू होणारा नो-कॉस्ट ईएमआयचा (No-Cost EMI) पर्यायही आहे. नवीन फोनवर अपग्रेड करू इच्छिणाऱ्यांसाठी एक्सचेंज ऑफरसुद्धा उपलब्ध आहे. तुमच्या जुन्या फोनचा ब्रँड, मॉडेल आणि तो कितपत चांगल्या स्थितीत आहे यावर अवलंबून, तुम्हाला 26,550 रुपयांपर्यंतची सूट मिळू शकते.
Motorola Edge 60 Pro चे फीचर्स
Motorola Edge 60 Pro च्या स्पेसिफिकेशन्सबद्दल बोलायचं झाल्यास, या स्मार्टफोनमध्ये MediaTek Dimensity 8350 Extreme प्रोसेसर वापरण्यात आला आहे. यात 8GB आणि 12GB रॅम पर्यायांसह 512GB पर्यंत स्टोरेज उपलब्ध आहे. 6.7-इंचाचा कर्व्ह्ड डिस्प्ले आणि 120Hz पर्यंतचा रिफ्रेश रेट हे या फोनचं मुख्य आकर्षण आहे. अगदी प्रखर सूर्यप्रकाशातही हा डिस्प्ले 4,500 निट्सपर्यंतची ब्राईटनेस देतो.
या फोनमध्ये 6000mAh क्षमतेची सिलिकॉन-कार्बन बॅटरी आहे. ही बॅटरी 90W वायर्ड फास्ट चार्जिंग, 15W वायरलेस चार्जिंग आणि 5W रिव्हर्स वायरलेस चार्जिंगला सपोर्ट करते. हा फोन Android 15 ऑपरेटिंग सिस्टमवर चालतो. फोटोग्राफीसाठी, यात 50MP मुख्य कॅमेरा, 50MP अल्ट्रा-वाइड/मॅक्रो कॅमेरा आणि 10MP टेलीफोटो कॅमेरा असा ट्रिपल रिअर कॅमेरा सेटअप आहे. सेल्फी आणि व्हिडिओ कॉलिंगसाठी 50MP चा फ्रंट कॅमेरा देण्यात आला आहे.
