Mahindra BE 07 : महिंद्राने आपल्या नवीन इलेक्ट्रिक SUV च्या लाँचची घोषणा केली आहे. ही गाडी 2027 मध्ये भारतीय बाजारात दाखल होईल. ही गाडी BE.07 कॉन्सेप्टचं प्रोडक्शन मॉडेल असणार आहे. जाणून घेऊया या गाडीबद्दल सर्वकाही.
Mahindra BE 07 Electric SUV : महिंद्रा अँड महिंद्राने (Mahindra & Mahindra) एका नवीन इलेक्ट्रिक एसयूव्हीची (Electric SUV) घोषणा केली आहे. ही गाडी 2027 मध्ये भारतीय बाजारात दाखल होईल, असं कंपनीने स्पष्ट केलं आहे. कंपनीने गाडीचं नाव आणि इतर माहिती अजून जाहीर केली नसली तरी, ही गाडी महिंद्रा BE.07 एसयूव्हीचं प्रोडक्शन-रेडी मॉडेल असेल, असा अंदाज आहे.
स्पर्धा कुणाशी-
ही कॉन्सेप्ट गाडी पहिल्यांदा 15 ऑगस्ट 2022 रोजी सादर करण्यात आली होती. या गाडीची मूळ लाँचची तारीख ऑक्टोबर 2026 होती, पण आता या वेळेत गाडी लाँच होण्याची शक्यता कमी असल्याचं रिपोर्ट्समध्ये म्हटलं आहे. लाँच झाल्यानंतर, महिंद्रा BE.07 इलेक्ट्रिक एसयूव्हीची थेट स्पर्धा विनफास्ट VF7 (VinFast VF7) आणि टाटा हॅरियर ईव्ही (Tata Harrier EV) यांच्याशी होईल.
कॉन्सेप्ट मॉडेलप्रमाणेच, प्रोडक्शन-रेडी BE.07 ची लांबी 4,565 मिमी, रुंदी 1,900 मिमी, उंची 1,660 मिमी आणि व्हीलबेस 2,775 मिमी असण्याची शक्यता आहे. या गाडीचा लूक BE.06 कूप एसयूव्हीच्या तुलनेत कमी अँँग्युलर आणि जास्त एसयूव्हीसारखा असेल. गाडीचं फायनल मॉडेल कॉन्सेप्टच्या जवळपास सारखंच असण्याची दाट शक्यता आहे.
महिंद्राच्या इंग्लो (INGLO) आर्किटेक्चरवर बनवलेल्या BE.07 कॉन्सेप्टमध्ये C-आकाराचे हेडलॅम्प आणि टेललॅम्प, फ्लश डोअर हँडल्स आणि मोठे व्हील आर्च देण्यात आले आहेत. गाडीच्या आतमध्ये एक फ्युचरिस्टिक इंटीरियर मिळेल, ज्यात डॅशबोर्डवर पसरलेली एक मोठी स्क्रीन, मोठी पॅनोरॅमिक सनरूफ आणि फ्लॅट-बॉटम स्टीयरिंग व्हील असेल. BE.06 आणि XEV.9e प्रमाणेच, BE.07 मध्ये फिजिकल बटन्स कमी असतील आणि टच व हॅप्टिक फीडबॅकवर जास्त भर दिला जाईल, असा अंदाज आहे.
Related Articles
पॉवरट्रेनबद्दलची माहिती अजून समोर आलेली नाही. पण, आगामी महिंद्रा BE.07 मध्ये BE.06 प्रमाणेच 59kWh आणि 79kWh चे बॅटरी पॅक मिळण्याची शक्यता आहे. दोन्ही बॅटरी पॅक पर्मनंट मॅग्नेट सिंक्रोनस मोटरशी जोडलेले असतील, जे अनुक्रमे 228bhp आणि 282bhp पॉवर जनरेट करतील. दोन्ही सेटअपमध्ये 380Nm चा टॉर्क मिळेल. या एसयूव्हीमध्ये रेंज, एव्हरीडे, रेस, स्नो आणि कस्टम असे अनेक ड्रायव्हिंग मोड्स मिळतील. हेच मोड्स BE.07 मध्येही कायम राहण्याची शक्यता आहे. महिंद्रा BE.07 लहान बॅटरी पॅकसह 550 किलोमीटरपेक्षा जास्त आणि मोठ्या बॅटरी पॅकसह 650 किलोमीटरपेक्षा जास्त रेंज देईल, अशी अपेक्षा आहे. BE.06 प्रमाणेच, ही एसयूव्ही 180kW पर्यंत डीसी फास्ट चार्जिंगला सपोर्ट करेल.
