Maruti Tata Mahindra Three New Mid Size Electric SUVs Launching Soon : मारुती सुझुकी, टाटा आणि महिंद्रा या कंपन्यांकडून तीन नवीन मिड-साईज इलेक्ट्रिक एसयूव्ही लवकरच बाजारात येणार आहेत. महिंद्रा XEV 9S, टाटा सिएरा ईव्ही आणि ई-विटारा ही ती मॉडेल्स आहेत.
Maruti Tata Mahindra Three New Mid Size Electric SUVs Launching Soon : मारुती सुझुकी, टाटा आणि महिंद्रा या कंपन्यांच्या मिड-साईज एसयूव्ही सेगमेंटमध्ये तीन नवीन इलेक्ट्रिक मॉडेल्स पुढील काही आठवड्यांत दाखल होत आहेत. या येणाऱ्या प्रत्येक मॉडेलची उद्दिष्ट्ये वेगवेगळी आहेत. जास्त विक्रीचे लक्ष्य असलेल्या या तीन मॉडेल्सबद्दल जाणून घेऊया.
महिंद्रा XEV 9S (27 नोव्हेंबरला पदार्पण)
महिंद्रा XEV 9S ही गाडी XEV 9e आणि BE 6 च्या सोबत किंवा त्यांच्या वरच्या स्थानी असेल. याबाबतची अधिकृत माहिती अद्याप समोर आलेली नाही. पण, सुरुवातीच्या टेस्टिंग मॉडेल्स आणि टीझर्सवरून असे दिसून येते की, याची डिझाइन XUV.e8 कॉन्सेप्ट आणि 2026 च्या सुरुवातीला फेसलिफ्टसह येणाऱ्या रेग्युलर ICE XUV700 पासून प्रेरित आहे. महिंद्राने हे निश्चित केले आहे की, ही गाडी XEV 9e आणि BE 6 मध्ये वापरलेल्या इलेक्ट्रिक INGLO स्केटबोर्ड आर्किटेक्चरवर आधारित असेल. महिंद्राचे नवीन बॅटरी मॉड्यूल्स आणि मोटर सेटअप जवळपास 500 किलोमीटरची ड्रायव्हिंग रेंज देतील, असा अंदाज आहे.
Related Articles
टाटा सिएरा ईव्ही (25 नोव्हेंबरला पदार्पण)
समोरच्या बाजूला पूर्ण रुंदीची एलईडी स्ट्रिप, ग्रिल-फ्री नोझ, सरळ उभी असलेली मागची बाजू, फ्लश-फिटिंग हँडल्स आणि सिग्नेचर ग्लासहाऊस डिझाइन मूळ सिएराची आठवण करून देते. गाडीच्या आत, ट्रिपल-स्क्रीन सेटअप, लेयर्ड मटेरियल्स आणि मागच्या केबिनपर्यंत पसरलेले पॅनोरामिक रूफ यांसारख्या वैशिष्ट्यांसह टाटाने एक वेगळाच अनुभव दिला आहे. ही ईव्ही Curvv EV आणि Harrier EV सोबत बॅटरी साईज शेअर करू शकते. मोठ्या बॅटरी पॅकमुळे दैनंदिन वापरामध्ये 500 किलोमीटरपेक्षा जास्त रेंज मिळण्याची शक्यता आहे.
मारुती सुझुकी ई-विटारा (डिसेंबरमध्ये लाँच होणार)
मारुती सुझुकीची बहुप्रतिक्षित मिड-साईज इलेक्ट्रिक एसयूव्ही 'ई-विटारा' लवकरच लाँच होणार आहे. हार्टेक्ट-ई प्लॅटफॉर्मवर तयार केलेली ई-विटारा जवळपास 500 किलोमीटरची खरी ड्रायव्हिंग रेंज देण्याची शक्यता आहे. ही गाडी दोन बॅटरी पर्यायांसह विकली जाईल. सील्ड-ऑफ फ्रंट एंड, नवीन लायटिंग एलिमेंट्स आणि ईव्ही-केंद्रित अलॉय व्हील डिझाइनमुळे गाडीचे स्टायलिंग अधिक एअरोडायनॅमिक बनवले आहे. गाडीच्या आतमध्ये उच्च-गुणवत्तेचे मटेरिअल्स आणि अधिक प्रीमियम इंटरफेस वापरण्यात आला आहे.
