- Home
- Utility News
- घरच्या घरी सोप्या स्टेप्स वापरुन असे तयार करा शुद्ध तूप, बनावट तुपापासून तुमच्या कुटंबाला ठेवा दूर!
घरच्या घरी सोप्या स्टेप्स वापरुन असे तयार करा शुद्ध तूप, बनावट तुपापासून तुमच्या कुटंबाला ठेवा दूर!
मुंबई - घरच्या घरी शुद्ध तूप कसं बनवायचं आणि ते कसं टिकवायचं ते जाणून घ्या. घरच्या घरी तूप बनवून ते जास्त दिवस टिकवण्यासाठी या लेखात दिलेल्या सोप्या पद्धती वापरा.
शुद्ध तूप
सणासुदीच्या दिवसांत गोडधोड पदार्थ बनवण्यासाठी शुद्ध तूप लागतंच. तसेच दररोज तयार केलेल्या खाद्यपदार्थांवरही तूप घेण्याची आपल्याला सवय असते. बाजारात एक किलो शुद्ध तूप ८०० ते १००० रुपयांपर्यंत मिळतं. पण डबा उघडल्यानंतर तीन आठवड्यांतच तूप चव गमावून त्याचा वास येऊ लागतो. अनेकदा तर बाजारातून आणलेलं तूप बनावट असतं. त्यात डालडा किंवा इतर पदार्थ मिसळले असतात.
घरगुती पद्धत
घरी शुद्ध तूप कसं बनवायचं आणि ते कसं टिकवायचं ते पाहूया. आजही गावांमध्ये तूप अशाच पद्धतीने साठवलं जातं. शहरांमध्ये राहणारे लोकही घरी आणलेल्या दुधापासून तूप बनवू शकतात. ते कसं बनवायचं ते जाणून घ्या.
शुद्ध तूप बनवण्याची पद्धत
घरी आणलेलं दूध चांगलं उकळून घ्या. दूध थंड झाल्यावर त्यावरची साय अलगद काढून एका भांड्यात ठेवा. त्यानंतर ते भांडं फ्रीजमध्ये ठेवा. साय पूर्णपणे गोठवायला हवी. नाहीतर त्याला कुजलेला वास येईल. अशाच प्रकारे साय साठवत राहा. साय असलेलं भांडं फ्रीजमध्येच राहू द्या.
साय साठवणूक
आपण दररोज साठवत असलेली साय ३०० ते ४०० ग्रॅम वजनाची झाल्यावर तूप बनवण्याचा निर्णय घ्या. गोठवलेली साय एका रुंद भांड्यात काढून दोन-तीन तास ठेवा. नंतर थोडी थोडी साय मिक्सरच्या भांड्यात घालून १० ते १५ मिनिटे फिरवा. यावेळी फक्त बर्फाचं पाणी घाला.
जाड बुडाचं भांडं वापरा
नंतर पाणी वेगळं होऊन सायीचं लोणी होतं. लोण्याचे छोटे छोटे गोळे करा. आता गॅसवर जाड बुडाचं भांडं ठेवून त्यात लोणी घाला आणि ४० ते ४५ मिनिटे उकळवा. लोणी पूर्णपणे वितळून तेल झाल्यावर त्यात चिमूटभर हळद, अर्धा चमचा वेलची पूड आणि चिमूटभर मीठ घाला.
डब्याचं झाकण कधी लावायचं?
साठवण्याची पद्धत
तूप अॅल्युमिनियम, स्टील किंवा काचेच्या डब्यात साठवा. तूप जास्त दिवस टिकण्यासाठी डब्यात गुळाचा एक तुकडा ठेवा. तूप करताना त्यात दोन लवंगा आणि दोन मिरी घालू शकता. त्याने तूप रवाळ होतं. त्याला सुगंधही छान येतो.
साठवण्याची पद्धत
गरजेपुरतं तूप वेगळं काढून गरम करा. सारखं सारखं सगळं तूप गरम करू नका. तूप ठेवलेला डबा कोरड्या जागी ठेवा. तुम्ही हे तूप फ्रीजमध्येही ठेवू शकता. तूप काढण्यासाठी नेहमी कोरडा चमचा वापरा. एकदा गरम केलेल्या तुपात पाणी जाऊ देऊ नका.
