- Home
- Utility News
- सावधान! १ मार्चपासून सिम कार्डशिवाय WhatsApp चालणार नाही; केंद्र सरकारचा मोठा निर्णय, जाणून घ्या नवे नियम
सावधान! १ मार्चपासून सिम कार्डशिवाय WhatsApp चालणार नाही; केंद्र सरकारचा मोठा निर्णय, जाणून घ्या नवे नियम
new government rule for WhatsApp: केंद्र सरकारने 'सिम बाइंडिंग' नावाचा नवीन नियम लागू केला आहे, जो १ मार्चपासून अंमलात येईल. या नियमानुसार, WhatsApp आणि Telegram सारखे मेसेजिंग अ‍ॅप्स फोनमध्ये फिजिकल सिम कार्ड असल्याशिवाय चालणार नाहीत.
१ मार्चपासून सिम कार्डशिवाय WhatsApp चालणार नाही
नवी दिल्ली : जर तुम्ही तुमच्या फोनमध्ये सिम कार्ड न ठेवता फक्त वायफाय (Wi-Fi) वर WhatsApp किंवा इतर मेसेजिंग अ‍ॅप्स वापरत असाल, तर ही बातमी तुमच्यासाठी अत्यंत महत्त्वाची आहे. केंद्र सरकारने 'सिम बाइंडिंग' (Sim Binding) नियमांची अंमलबजावणी करण्याची तयारी पूर्ण केली असून, याची मुदत वाढवण्यास स्पष्ट नकार दिला आहे. उद्यापासून म्हणजेच १ मार्च २०२६ पासून मेसेजिंग अ‍ॅप्सच्या वापराचे नियम पूर्णपणे बदलणार आहेत.
काय आहे 'सिम बाइंडिंग' नियम?
सिम बाइंडिंग ही एक प्रगत सुरक्षा प्रणाली आहे. सोप्या भाषेत सांगायचे तर, तुमचे मेसेजिंग अॅप (उदा. WhatsApp) आता तुमच्या फोनमधील फिजिकल सिम कार्डशी 'लॉक' केले जाईल.
नवा नियम: ज्या फोनमध्ये तुमचे अधिकृत सिम कार्ड असेल, त्याच फोनवर ते अॅप चालेल.
परिणाम: जर तुम्ही फोनमधून सिम कार्ड काढून टाकले, तर तुमचे WhatsApp, Telegram किंवा Signal अॅप काम करणे बंद करेल.
डेस्कटॉप युजर्स: संगणक किंवा लॅपटॉपवर लॉगिन केलेले WhatsApp आता दर ६ तासांनी आपोआप लॉग आउट होईल.
या अ‍ॅप्सवर होणार परिणाम
केवळ WhatsApp नाही, तर अनेक लोकप्रिय प्लॅटफॉर्म्स आता सिम कार्डशिवाय चालणार नाहीत.
WhatsApp, Telegram, Signal
Snapchat, ShareChat
JioChat, Josh, Aratai
सरकारने हा निर्णय का घेतला?
केंद्रीय दूरसंचार मंत्री ज्योतिरादित्य शिंदे यांनी स्पष्ट केले की, हा निर्णय राष्ट्रीय सुरक्षा आणि वाढती सायबर फसवणूक रोखण्यासाठी घेण्यात आला आहे.
हॅकिंगला लगाम: हॅकर्स आता दुसऱ्या डिव्हाइसवरून तुमचा नंबर वापरून फसवणूक करू शकणार नाहीत.
गुन्हेगारांची ओळख: बनावट नंबर वापरून मेसेजिंग अ‍ॅप्स चालवणाऱ्या सायबर गुन्हेगारांना पकडणे सोपे होईल.
सुरक्षेशी तडजोड नाही: सरकारने स्पष्ट केले आहे की १२- दिवसांच्या आत कंपन्यांना या नियमांच्या पालनाचा अहवाल द्यावा लागेल, अन्यथा कडक कारवाई केली जाईल.
युजर्सनी काय काळजी घ्यावी?
आता तुम्हाला खात्री करावी लागेल की तुम्ही जो नंबर WhatsApp साठी वापरताय, त्याचे फिजिकल सिम कार्ड (Physical SIM) त्याच मोबाईलमध्ये असणे अनिवार्य आहे. सिम कार्ड काढून दुसऱ्या फोनमध्ये टाकल्यास किंवा फोनमध्ये सिम नसल्यास तुमची चॅटिंग सेवा खंडित होऊ शकते.
