Kitchen Tips: कोथिंबिरीची चव नक्की कशात असते? पानांमध्ये की काड्यांमध्ये?
Kitchen Tips: कोथिंबिरीची खरी चव तिच्या कोवळ्या पानांमध्ये नसते. होय. तुम्हाला माहित आहे का की तुम्ही नकळतपणे कोथिंबिरीचा अति वापर करून जेवणाची खरी चव खराब करत आहात? कारण कोथिंबिरीची खरी चव असते ती काड्यांमध्ये. या काड्यांचा नेमका वापर कसा करावा?
शेफ रणवीर ब्रार यांनी काय सांगितलं?
आपल्याला एक सवय आहे. आपण बाजारातून कोथिंबीर आणतो आणि तिच्या काड्या आणि मुळं कचरा समजून फेकून देतो. पण तुम्हाला माहित आहे का की तुम्ही नकळत जेवणाची खरी चव खराब करत आहात? शेफ रणवीर ब्रार यांच्या मते, कोथिंबिरीची चव 80 टक्के काड्यांमध्ये आणि 20 टक्के मुळांमध्ये असते. चला, हे सविस्तरपणे समजून घेऊया.
चवीचं खरं गणित
तुम्हाला हे जाणून आश्चर्य वाटेल की कोथिंबिरीची खरी चव तिच्या कोवळ्या पानांमध्ये नाही, तर 80 टक्के चव तिच्या काड्यांमध्ये आणि उरलेली 20 टक्के चव तिच्या मुळांमध्ये असते.
फक्त सजावटीसाठी नाही
आता तुम्हाला प्रश्न पडला असेल की, मग पानांचा उपयोग काय? रणवीर यांच्या मते, पानं फक्त शोभेसाठी किंवा सजावटीसाठी बनवलेली नाहीत. पानांना एक सौम्य, फुलांसारखा सुगंध असतो, तर देठांना एक तीव्र, खोल सुगंध असतो. मुळांना थोडी लाकडासारखी चव असते. यामुळे जेवणाला एक वेगळाच सुगंध येतो.
कोणता भाग कधी वापरायचा?
कोथिंबिरीचा प्रत्येक भाग स्वयंपाकात एका विशिष्ट पदार्थासाठी असतो. जर तुम्ही योग्य प्रकारे त्याचा वापर केला नाही, तर तुम्हाला हवा तसा सुगंध मिळणार नाही. हे लक्षात ठेवण्यासाठी शेफ रणवीर ब्रार यांनी एक सोपा मार्ग सांगितला आहे.
कोथिंबिरीची मुळं
जर तुम्ही मांसाहारी पदार्थ बनवत असाल, ज्याला शिजायला 2 ते 3 तास लागतात, तर त्यात कोथिंबिरीची मुळं वापरा. त्यांचा सुगंध जास्त वेळ शिजणाऱ्या पदार्थांसाठी उत्तम असतो.
कोथिंबिरीच्या काड्या
जर तुम्ही एखादी ग्रेव्ही किंवा भाजी बनवत असाल, जी 15 ते 20 मिनिटांत शिजते, तर कोथिंबिरीच्या काड्या वापरा. त्यांचा तीव्र सुगंध ग्रेव्हीमध्ये चांगला मिसळतो.
सर्वात चांगला मार्ग कोणता?
पानांमध्ये जास्त चव नसते आणि ती नाजूक असल्यामुळे, ज्या पदार्थांना शिजायला जास्त वेळ लागत नाही त्यात ती वापरावी. किंवा पदार्थ पूर्णपणे शिजल्यावर शेवटी पानं चिरून घालणं हा उत्तम मार्ग आहे. व्हिडिओ पाहण्यासाठी या लिंकवर क्लिक करा..
