Kitchen Hack: असा वाटा गरम मसाला, ग्रेव्हीची चव आणि रंग दोन्ही होईल जबरदस्त!
Kitchen Hack: मिक्सरमध्ये गरम ग्रेव्ही किंवा सूप वाटताना झाकण अचानक उडतं का? यामुळे भाजण्याचा किंवा किचन खराब होण्याचा धोका असतो. पण आता काळजी नको, आम्ही एक सोपी ट्रिक सांगणार आहोत, ज्यामुळे तुमचा हा त्रास कायमचा दूर होईल.
16
Image Credit : Google Gemini
एक छोटी चूक आणि मोठा अपघात
आजकाल प्रत्येकाला घाई असते. त्यामुळे अनेकजण टोमॅटो-कांद्याचा मसाला किंवा इतर गरम पदार्थ थेट मिक्सरमध्ये वाटायला घेतात. पण ही छोटीशी वाटणारी चूक मोठ्या अपघाताला कारण ठरू शकते.
Add Asianetnews Marathi as a Preferred Source
26
Image Credit : Amazon\Flipkart website
मास्टरशेफ पंकज भदौरिया यांची ट्रिक
गरम पदार्थ वाटताना झाकण उडतं आणि अंगावर येऊन भाजण्याचा धोका असतो. किचनही खराब होतं. ही समस्या टाळण्यासाठी प्रसिद्ध मास्टरशेफ पंकज भदौरिया यांनी एक सोपी किचन ट्रिक सांगितली आहे. ही ट्रिक केवळ तुम्हाला भाजण्यापासून वाचवत नाही, तर ग्रेव्हीला अधिक स्मूथ आणि क्रीमी बनवते, शिवाय तिचा रंगही सुधारते.
36
Image Credit : Gemini
मिक्सरचं झाकण का उडतं?
मास्टरशेफ पंकज भदौरिया सांगतात की, जेव्हा आपण खूप गरम ग्रेव्ही किंवा द्रव पदार्थ मिक्सरमध्ये वाटतो, तेव्हा आत वाफ तयार होते. या वाफेमुळे भांड्याच्या आत प्रचंड दाब निर्माण होतो आणि अनेकदा झाकण अचानक उडतं. म्हणूनच गरम पदार्थ वाटताना जास्त काळजी घेणं गरजेचं आहे.
46
Image Credit : Freepik
मास्टरशेफ यांची सोपी ट्रिक काय आहे?
ही समस्या टाळण्यासाठी, मास्टरशेफ पंकज एक सल्ला देतात. मिक्सरच्या भांड्यात गरम ग्रेव्ही टाकण्यापूर्वी त्यात बर्फाचे काही तुकडे (आईस क्यूब्स) टाका. त्यानंतर गरम ग्रेव्ही वाटा. बर्फाचे तुकडे ग्रेव्हीचं तापमान थोडं कमी करतात, ज्यामुळे भांड्यात तयार होणारा दाबही कमी होतो.
56
Image Credit : Pinterest
ग्रेव्हीची चव आणि रंगही उत्तम होतो
शेफ पंकज सांगतात की, या ट्रिकचा आणखी एक फायदा आहे. यामुळे ग्रेव्ही खूप चांगल्याप्रकारे मिक्स होते. तिचे टेक्स्चर अधिक स्मूथ होतो आणि रंगही पूर्वीपेक्षा जास्त चांगला दिसतो.
66
Image Credit : Pinterest
ही गोष्ट लक्षात ठेवा
तुम्हाला कितीही घाई असली तरी, खूप गरम मिश्रण थेट वाटण्याऐवजी ते थोडं थंड होऊ द्या. तसेच, मिक्सरचं झाकण नीट बंद झालं आहे की नाही, हे नक्की तपासा. तुम्हीही घरी नेहमी ग्रेव्ही बनवत असाल, तर मास्टरशेफ पंकज भदौरिया यांची ही सोपी ट्रिक तुमच्यासाठी खूप उपयुक्त ठरू शकते.
