Home Gardening: बागेला रॉयल लुक देतील ही 6 जांभळी फुलं, आजच लावा आणि अनुभवा फरक
Home Gardening: तुमच्या गार्डनला एक वेगळा आणि आकर्षक लुक द्यायचा आहे? मग तुमच्या बागेत जांभळ्या रंगाच्या फुलांना नक्की जागा द्या. ही फुलं लावताच बागेत एक वेगळीच चमक येईल आणि मनाला शांतीही मिळेल.
जांभळ्या रंगाची फुलं
लाल, पिवळी, गुलाबी फुलं तर बागेला सुंदर बनवतातच, पण जांभळ्या रंगाची बातच काही और आहे. हा रंग सौंदर्य, क्रिएटिव्हिटी आणि शांतीचं प्रतीक मानला जातो. ही फुलं लावल्या लावल्या तुमची बाग किंवा बाल्कनी क्षणात सुंदर दिसू लागते. विशेष म्हणजे, जांभळ्या रंगाची फुलं इतर रंगांच्या फुलांसोबत आणखीनच छान दिसतात.
लॅव्हेंडर (Lavender)
लॅव्हेंडरची ओळख त्याच्या लहान फुलांच्या फांद्यांवरून होते. या फुलांमधून एक मंद, गोड सुगंध येतो. जिथे चांगली सूर्यप्रकाशाची ऊब मिळते, तिथे हे फूल छान फुलतं. तुम्ही हे झाड बागेत किंवा बाल्कनीमध्ये लावू शकता. इतकंच नाही, तर तुम्ही घरीच लॅव्हेंडरच्या फुलांपासून अत्तरही बनवू शकता.
लिलाक (Lilac)
लिलाकचं झाड त्याच्या जांभळ्या फुलांसाठी आणि मनमोहक सुगंधासाठी खूप प्रसिद्ध आहे. या झाडावर जांभळी फुलं गुच्छांमध्ये येतात. वसंत ऋतूमध्ये या फुलांमुळे बागेत एक सुंदर सुगंध दरवळतो. लोक सजावटीसाठी लिलाकच्या झाडांचा वापर करतात. यामुळे बाग किंवा घराच्या अंगणात एक रोमँटिक वातावरण तयार होतं.
आयरिस (Iris)
आयरिसची फुलं त्यांच्या सौंदर्यासाठी आणि पाकळ्यांच्या अनोख्या रंगासाठी ओळखली जातात. हा रंग सहसा जांभळा असतो. या रोपाचे देठ लांब असतात आणि त्याची पानं तलवारीसारखी दिसतात. त्यामुळे बागेत हे झाड वेगळं उठून दिसतं. आयरिसची फुलं लावणं फारसं अवघड नाही, कारण ती वसंत ऋतूच्या शेवटी किंवा उन्हाळ्याच्या सुरुवातीला फुलतात.
क्लेमाटिस (Clematis)
क्लेमाटिस ही एक वेल आहे. या वेलीवर मोठ्या, ताऱ्याच्या आकाराची जांभळी फुलं येतात. ही वेल जाळी, कुंपण किंवा मांडवावर (pergolas) छान वाढते. जिथे चांगला प्रकाश आणि पाण्याचा निचरा होणारी माती असते, तिथे क्लेमाटिस वर्षभर फुलं देऊ शकते.
पेटुनिया (Petunia)
पेटुनिया वर्षभर फुलणारं झाड आहे. याची फुलं रुंद, तुतारीच्या आकाराची असतात आणि जांभळ्या रंगाच्या अनेक शेड्समध्ये येतात. तुम्ही ही फुलं कंटेनर, हँगिंग बास्केट किंवा बागेतील वाफ्यांमध्ये लावू शकता. याची आकर्षक फुलं उन्हाळ्यात जास्त काळ टिकतात. त्यामुळे घराला आणि बागेला रंगतदार बनवण्यासाठी हा एक लोकप्रिय पर्याय आहे.
वर्बेना (Verbena)
वर्बेनाच्या रोपाला लहान जांभळी फुलं येतात, जी एकत्र येऊन एक आकर्षक गुच्छ तयार करतात. हे रोप सूर्यप्रकाश असलेल्या ठिकाणी चांगलं वाढतं. तुम्ही याचा वापर बॉर्डर प्लांट किंवा ग्राउंड कव्हर म्हणून करू शकता. वर्बेनाच्या झाडाला बराच काळ फुलं येतात, त्यामुळे फुलपाखरांना आकर्षित करण्यासाठी हा एक उत्तम पर्याय आहे.
