- Home
- Utility News
- वाहनधारकांना झटका! १ एप्रिलपासून 'फास्टॅग' वार्षिक पास महागणार; पैसे वाचवण्यासाठी उरले फक्त काही तास!
वाहनधारकांना झटका! १ एप्रिलपासून 'फास्टॅग' वार्षिक पास महागणार; पैसे वाचवण्यासाठी उरले फक्त काही तास!
FASTag annual pass price hike: नॅशनल हायवे अथॉरिटी ऑफ इंडियाने (NHAI) फास्टॅग वार्षिक पासच्या दरात वाढ केली आहे, जे १ एप्रिल २०२६ पासून लागू होईल. या पासची किंमत ७५ रुपयांनी वाढून ३,०७५ रुपये होणार आहे.
वाहनधारकांना झटका! १ एप्रिलपासून 'फास्टॅग' वार्षिक पास महागणार
FASTag Annual Pass Price Hike: नवीन आर्थिक वर्षाच्या सुरुवातीलाच सर्वसामान्यांच्या खिशाला कात्री लागणार आहे. नॅशनल हायवे अथॉरिटी ऑफ इंडियाने (NHAI) फास्टॅग अॅन्युअल पासच्या दरात वाढ करण्याचा निर्णय घेतला आहे. १ एप्रिल २०२६ पासून हे नवीन दर देशभर लागू होतील. जर तुम्हीही महामार्गावर वारंवार प्रवास करत असाल, तर ही बातमी तुमच्यासाठी अत्यंत महत्त्वाची आहे.
किती रुपयांनी वाढला भाव?
टोल टॅक्सवर बचत करण्यासाठी अनेकजण फास्टॅगचा वार्षिक पास (Annual Pass) वापरतात. या पासच्या किमतीत झालेली वाढ खालीलप्रमाणे आहे:
जुना दर: ३,००० रुपये.
नवीन दर (१ एप्रिलपासून): ३,०७५ रुपये.
वाढ: ७५ रुपये.
१५ ऑगस्ट २०२५ रोजी लाँच झाल्यापासून हा पास खाजगी वाहनधारकांमध्ये प्रचंड लोकप्रिय झाला असून, सध्या देशातील सुमारे ५६ लाख वाहने या सुविधेचा लाभ घेत आहेत.
अजूनही संधी आहे! असे वाचवा ७५ रुपये
जर तुमच्या पासचे नूतनीकरण (Renewal) जवळ आले असेल किंवा तुम्हाला नवीन पास घ्यायचा असेल, तर ३१ मार्चच्या रात्री ११:५९ वाजेपर्यंत तुम्ही जुन्या दरात म्हणजेच ३,००० रुपयांत हा पास खरेदी करू शकता. १ एप्रिलची पहाट होताच तुम्हाला वाढीव किंमत मोजावी लागेल.
घरबसल्या पास कसा खरेदी/रिन्यू कराल?
तुम्ही 'राजमार्ग यात्रा' अॅप किंवा NHAI च्या अधिकृत वेबसाइटवरून काही मिनिटांत हा पास मिळवू शकता.
१. NHAI वेबसाइटवरून अधिकृत वेबसाइटवर जाऊन लॉग-इन करा.
मेन्यूमध्ये ‘FASTag Annual Pass’ पर्याय निवडा.
वाहनाची माहिती भरून पात्रता तपासा आणि ऑनलाइन पेमेंट करा.
२. 'राजमार्ग यात्रा' (Rajmarg Yatra) अॅपवरून
अॅप डाऊनलोड करून मोबाईल नंबरने लॉग-इन करा.
तुमचा फास्टॅग लिंक करा आणि 'Annual Pass' सेक्शनमध्ये जा.
पेमेंट यशस्वी होताच तुमचा पास त्वरित ॲक्टिव्हेट होईल.
महत्त्वाची टीप
नवीन दर आर्थिक वर्ष २०२६-२७ साठी लागू असतील. तांत्रिक अडथळे टाळण्यासाठी शेवटच्या क्षणाची वाट न पाहता आजच आपला पास अपडेट करून घ्या.
