उन्हाळ्यात थंडगार हवेसाठी आणि चांगल्या परफॉर्मन्ससाठी तुमच्या कूलरची स्वच्छता आणि देखभाल खूप महत्त्वाची आहे. जर तुमचा जुना कूलर खराब दिसत असेल किंवा नीट थंडावा देत नसेल, तर या सोप्या टिप्स वापरून त्याला पुन्हा नव्यासारखं बनवा.
Air Cooler Repair Tips: उन्हाळा सुरू झालाय आणि आता प्रत्येक घरात कूलरची गरज भासणार. अनेकांनी आपले जुने कूलर बाहेर काढायला सुरुवात केली असेल. पण तुमचा कूलर काही महिन्यांतच जुनाट दिसू लागलाय का? नवीन कूलर घेण्याचा विचार करताय? थांबा, कारण या लेखातील टिप्स तुमच्या जुन्या कूलरलाही नव्यासारखं बनवण्यासाठी मदत करू शकतात. अनेकदा जुने कूलर नीट थंडावा देत नाहीत, खूप आवाज करतात किंवा त्यातून वास येतो. त्यामुळे लोक लगेच नवीन कूलर घेण्याचा विचार करतात, पण थोडी स्वच्छता आणि योग्य काळजी घेतली तर जुना कूलरही नव्यासारखा दिसू शकतो.
कूलर व्यवस्थित स्वच्छ करा
कधीकधी कूलरमध्ये साचलेली घाण त्याला जुनाट दाखवते. अशावेळी त्याला व्यवस्थित स्वच्छ करण्याची गरज असते. यासाठी, कूलर पूर्णपणे रिकामा करून स्वच्छ करा. टाकीतील कोणतीही घाण ब्रश किंवा कापडाने काढून टाका आणि नंतर साध्या पाण्याने धुवा.
जुने कूलिंग पॅड्स बदला
Related Articles
जर तुमच्या कूलरमध्ये कूलिंग पॅड्स असतील, तर तुम्ही ते बदलले पाहिजेत. कूलरची थंडावा देण्याची क्षमता बऱ्याच अंशी कूलिंग पॅड्सवर अवलंबून असते. जर पॅड्स खूप जुने किंवा धुळीने भरलेले असतील, तर हवा थंड होणार नाही.
पंखा आणि मोटर स्वच्छ करा
जर कूलरमधून हवा कमी येत असेल किंवा खूप जास्त आवाज येत असेल, तर त्याची मोटर किंवा पंखा हे कारण असू शकतं. पंख्याची पाती स्वच्छ करा आणि मोटरवर थोडे तेल लावा. यामुळे मोटर व्यवस्थित चालेल आणि कूलरचा परफॉर्मन्स सुधारेल.
पाण्याचे पाईप आणि पंप तपासा
कूलरमधील पाण्याचा पंप तपासा. जर पाईपमध्ये घाण किंवा अडथळा असेल, तर पाणी पॅड्सपर्यंत पोहोचणार नाही, ज्यामुळे थंडावा मिळणार नाही. त्यामुळे, पाईप आणि पंप स्वच्छ करायला विसरू नका. गरज वाटल्यास, तुम्ही पंप बदलूही शकता.
कूलरची टाकी लीक होत असेल तर काय करावं?
तुम्ही टाकीवर माती लावू शकता. यामुळे पाणी गळणार नाही. त्याला आणखी मजबूत करण्यासाठी तुम्ही पेंटही करू शकता. कूलरच्या उरलेल्या पाण्यात थोडी तुरटी किंवा कडुलिंबाचं तेल टाका. यामुळे वास येणार नाही.
कूलर योग्य ठिकाणी ठेवा. ताजी हवा आत येण्यासाठी कूलर नेहमी खिडकीजवळ किंवा मोकळ्या जागेत ठेवा. जर कूलर बंद खोलीत ठेवला, तर त्याची थंडावा देण्याची क्षमता कमी होईल.
