तुमच्या बागेत किंवा बाल्कनीला एक नॅचरल आणि रस्टिक लुक द्यायचा आहे? घरात पडलेल्या वाळलेल्या लाकडांपासून सुंदर आणि युनिक प्लांटर्स कसे बनवायचे, यासाठी सोप्या DIY आयडिया आणि टिप्स जाणून घ्या.
तुमच्या घरात किंवा आजूबाजूला मोठ्या झाडांच्या तुटलेल्या फांद्या किंवा लहान लाकडं पडून आहेत का? तर मग ती गोळा करून तुम्ही सुंदर प्लांटर्स तयार करू शकता. हे प्लांटर्स केवळ घराला नैसर्गिक लुकच देणार नाहीत, तर घरात एक सकारात्मक ऊर्जाही निर्माण करतील. लाकडी प्लांटर बनवण्यासाठी नेहमी वाळलेलं, मजबूत आणि वाळवी न लागलेलं लाकूड निवडा. वापरण्यापूर्वी लाकूड स्वच्छ करून त्यावर वार्निश किंवा वॉटरप्रूफ कोटिंग करा. असं केल्याने तुमचे वुड प्लांटर जास्त काळ टिकतील.
स्मॉल वुड प्लांटर DIY
वाळलेल्या आणि लहान काड्या गोळा करून त्यांना घासून थोडं स्वच्छ करून घ्या. त्यानंतर त्यावर वार्निश लावा, जेणेकरून त्या जास्त काळ टिकतील आणि खराब होणार नाहीत. या काड्यांना वाळवी लागलेली नाही ना, याची खात्री करा, नाहीतर त्या हळूहळू आतून पोखरल्या जातील. तुम्ही या लहान काड्या एखाद्या छोट्या फुलदाणीच्या (vase) चारही बाजूंनी गोंदाने चिकटवू शकता. या छोट्या फुलदाणीत रोप लावून तुम्ही ते भिंतीवर टांगू शकता. हे दिसायला खूपच सुंदर दिसतं.
Related Articles
लाँग वुड प्लांटर
वाळलेल्या लाकडांचे लांब प्लांटर बनवण्यासाठी तुम्हाला लांब काड्यांची गरज लागेल. तसेच, जवळपास सारख्या आकाराच्या काड्या निवडा. मोठा लाकडी प्लांटर बनवण्यासाठी लाकडाच्या काड्या एकाच लांबीमध्ये कापून घ्या. त्यानंतर ग्लू किंवा सुतळीच्या मदतीने चौकोनी किंवा आयताकृती प्लांटर तयार करा. तुम्ही हवं असल्यास साधं चौकोनी डिझाइनसुद्धा तयार करू शकता. काड्या व्यवस्थित बांधल्या गेल्या आहेत किंवा ग्लूने पक्क्या चिकटल्या आहेत याची खात्री करा, जेणेकरून त्या सुटणार नाहीत. या प्लांटर्समध्ये तुम्ही मातीची किंवा प्लास्टिकची छोटी रोपं ठेवून घराच्या सौंदर्यात भर घालू शकता.
हँगिंग वुडन प्लांटर
हँगिंग वुडन प्लांटर दिसायला खूपच फॅन्सी वाटतात आणि ते बनवायलाही सोपे असतात. असे प्लांटर बनवण्यासाठी तुम्ही रफ (Rough) लाकूड वापरू शकता. ४ ते ५ लाकडी काड्या एकत्र बांधून त्याचा बेस तयार करा आणि वरच्या बाजूलाही सुतळीने घट्ट बांधा. आता त्यात रोपाची कुंडी ठेवून त्याला टांगून द्या. तयार आहे तुमचा सुंदर आणि नॅचरल लुक देणारा वुड स्टिक प्लांटर!
