कॉलिनची स्प्रे बॉटल संपल्यावर तुम्ही ती फेकून देता का? थांबा! ही रिकामी बाटली खूप कामाची आहे. झाडांना पाणी घालण्यापासून ते कार साफ करण्यापर्यंत, अनेक गोष्टींसाठी तुम्ही तिचा पुन्हा वापर करू शकता.
Colin Spray Bottle DIY: आपण घरातल्या काचा किंवा फर्निचर साफ करण्यासाठी कॉलिन वापरतोच, नाही का? पण ते संपल्यावर त्या स्प्रे बॉटलचं काय करता? फेकून देता? अहो, थांबा! ती स्प्रे बॉटल खूप उपयोगी पडू शकते, कारण त्याला आधीपासूनच एक स्प्रे पंप लावलेला असतो. चला, पाहूया तिचे ५ सोपे आणि क्रिएटिव्ह उपयोग...
झाडांना पाणी देण्यासाठी वापरा
कॉलिनची रिकामी बाटली स्वच्छ धुवून घ्या. त्यात पाणी भरा आणि झाडांवर स्प्रे करण्यासाठी वापरा. विशेषतः घरातल्या झाडांसाठी (indoor plants) हा एक उत्तम उपाय आहे. यामुळे पानांवरची धूळही निघते आणि मुळांमध्ये जास्त पाणी साचत नाही.
Related Articles
कार स्वच्छ करण्यासाठी वापरा
जुन्या, रिकाम्या कॉलिनच्या बाटलीत पाणी किंवा क्लिनिंग लिक्विड भरा. याने तुम्ही तुमच्या कारच्या काचा आणि कोपरे सहज स्वच्छ करू शकता. कार स्वच्छ ठेवण्याचा हा एक सोपा आणि बजेटमधला मार्ग आहे.
मुलांसाठी बनवा स्प्रे पेंट
जुन्या कॉलिनच्या बाटल्यांमध्ये मुलांचे वॉटर कलर्स भरून तुम्ही त्यांच्यासाठी स्प्रे पेंट तयार करू शकता. यातून ते मस्त क्रिएटिव्ह चित्रं काढू शकतील. मुलांसाठी ही एक मजेशीर ॲक्टिव्हिटी ठरेल.
मिनी प्लांटर म्हणून वापरा
कॉलिनची जुनी बाटली बाजूने कापून घ्या. त्यात माती भरा आणि छोटी रोपं लावा. किचन गार्डन किंवा बाल्कनीसाठी हा एक मस्त पर्याय आहे.
फेस मिस्ट किंवा टोनरसाठी वापरा
तुमच्याकडे लहान आकाराची कॉलिनची बाटली असेल, तर ती चांगली धुवून वाळवून घ्या. आता त्यात गुलाब पाणी किंवा फेस मिस्ट भरा. त्वचेची आणि केसांची काळजी घेण्यासाठी तुम्ही याचा वापर करू शकता. उन्हाळ्यात तर हे खूपच कामी येईल.
