Calendar Phenomenon: 11 वर्षांनी आला दुर्मिळ घटनेचा योग, नंतरचा योग 2037 मध्येच!
Calendar Phenomenon: फेब्रुवारी 2026 हा महिना एकदम युनिक असणार आहे. कॅलेंडर तज्ज्ञांच्या मते, फेब्रुवारी महिन्याची अशी रचना 6 किंवा 11 वर्षांतून एकदाच घडणारी एक दुर्मिळ घटना आहे. यंदा 1 फेब्रुवारीला रविवार आला असून 28 फेब्रुवारीला शनिवारी संपतो.
सोशल मीडियावर जोरदार चर्चा
फेब्रुवारी 2026 हा महिना सध्या सोशल मीडियावर "परफेक्ट फेब्रुवारी" म्हणून खूप चर्चेत आहे. याचं कारण म्हणजे कॅलेंडरमध्ये दिसणारी एक दुर्मिळ आणि परिपूर्ण रचना. 2026 हे लीप वर्ष नाही. या वर्षी फेब्रुवारीमध्ये नेहमीप्रमाणे फक्त 28 दिवस आहेत. पण चार आठवड्यांची विभागणी अगदी व्यवस्थित झाली आहे, ज्यामुळे 7 ने सहज भाग जातो. ते कसं, ते इथे पाहा...
हा फोटो नीट बघा...
मुख्य म्हणजे 2026 मध्ये 1 फेब्रुवारी रविवारपासून सुरू होतो. तसेच, महिन्याचा शेवटचा दिवस, 28 फेब्रुवारी, शनिवारी संपतो. तुम्ही कॅलेंडर नीट पाहिल्यास, हा फेब्रुवारी महिना कोणत्याही अडथळ्याशिवाय एका सुंदर आयताकृती आकारात दिसतो. गेल्या वर्षीचं आणि या वर्षीचं कॅलेंडर बघा. याची खासियत म्हणजे इथे चारही ओळी अगदी व्यवस्थित जुळून आल्या आहेत.
सर्व वार चार वेळाच येतात
या फेब्रुवारी महिन्यात रविवार ते शनिवारपर्यंतचे सर्व वार फक्त चार वेळा येतात. साधारणपणे, एका महिन्यात काही वार पाच वेळा येतात. म्हणूनच या फेब्रुवारी महिन्याला "परफेक्ट" म्हटले जात आहे. पण फेब्रुवारी 2026 मध्ये अशी कोणतीही अडचण नाही आणि सर्व दिवस समान आहेत.
कॅलेंडर तज्ज्ञांच्या मते...
कॅलेंडर तज्ज्ञांच्या मते, फेब्रुवारी महिन्याची अशी रचना 6 किंवा 11 वर्षांतून एकदाच घडणारी एक दुर्मिळ घटना आहे. याआधी, असाच "परफेक्ट फेब्रुवारी" 2015 मध्ये आला होता. 11 वर्षांनंतर, ही दुर्मिळ कॅलेंडर रचना 2026 मध्ये पुन्हा घडत आहे.
कॅलेंडरप्रेमींचा आवडता महिना
एवढंच नाही, तर काही जण या महिन्याला "कॅलेंडरप्रेमींचा आवडता महिना" म्हणतात. कारण यामुळे नियोजन करणे, पगार मोजणे आणि आठवड्याच्या कामाचे वेळापत्रक ठरवणे खूप सोपे होते. या अनोख्या रचनेमुळे फेब्रुवारी 2026 हा एक विशेष महिना मानला जात आहे. पुढचा "परफेक्ट फेब्रुवारी" 2037 मध्ये येईल, असं सांगितलं जातंय.
