2026 TVS Radeon : नवीन बाईक लाँच, किंमत फक्त 67 हजार; टीव्हीएसचा भन्नाट प्लॅन
टीव्हीएसने बाजारात आपली आणखी एक नवीन बाईक आणली आहे. सणासुदीच्या काळात ग्राहकांना आकर्षित करून मोठी विक्री करण्याचा कंपनीचा प्लॅन आहे.
११० सीसी कम्युटर रेडिऑन
दसरा, दिवाळी आणि संक्रांत असे सण आता एकापाठोपाठ एक येत आहेत. याच सणांचा मुहूर्त साधत टीव्हीएसने आपली नवीन 'TVS Radeon' बाईक लाँच केली आहे. ही ११० सीसी इंजिन असलेली कम्युटर बाईक आहे. सर्वसामान्यांना परवडेल अशा बजेटमध्ये कंपनीने ही बाईक बाजारात आणली असून, सणासुदीच्या काळात बंपर विक्री करण्यावर त्यांचा भर आहे.
सर्वत्र एलईडी लाईटिंगचा वापर
या बाईकची खासियत सांगायची तर, कंपनीने यात नवीन रंगांच्या पर्यायांसोबतच सर्वत्र एलईडी लाईटिंग दिली आहे. या बाईकची ऑन-रोड किंमत ६७,१०० ते ७३,१०० रुपयांच्या घरात आहे. जुन्या मॉडेलसोबत ही नवीन बाईक विकली जाणार की नाही, हे कंपनीने अद्याप स्पष्ट केलेले नाही.
- सर्वत्र एलईडी लाईटिंग उपलब्ध
- ११० सीसी इंजिनची ताकद
- डिजी-डिस्क व्हेरियंटमध्ये फ्रंट डिस्क ब्रेक
आणखी नवीन काय आहे?
- सिग्नेचर DRL
- एलईडी टेल लाईट
- एलईडी टर्न इंडिकेटर
- एलईडी हेडलाईट
कोणकोणत्या रंगांमध्ये उपलब्ध?
- बेस, डिजी-ड्रम आणि डिजी-डिस्क अशा एकूण तीन व्हेरियंट्समध्ये ही बाईक मिळते.
- बेस : काळा आणि निळा
- डिजी-ड्रम : काळा आणि लाल
- डिजी-डिस्क : काळा-नारंगी आणि लाल-काळा
मायलेज किती देते?
बाईकचे बाकीचे पार्ट्स पूर्वीसारखेच ठेवले आहेत. यात ११० सीसी एअर-ऑईल कूल्ड इंजिन दिले असून ते ४-स्पीड गिअरबॉक्सला जोडले आहे. नवीन बाईक नक्की किती मायलेज देईल, याची अधिकृत माहिती कंपनीने अद्याप दिलेली नाही.
कमी किमतीत उत्तम मायलेज
प्रीमियम फीचर्सचा विचार केल्यास, यात ऑल-एलईडी लाईटिंग, यूएसबी चार्जिंग, कलर डिजिटल कन्सोल आणि डिस्क ब्रेकचा पर्याय मिळतो. एकंदरीत पाहता, ही एक बजेट-फ्रेंडली बाईक आहे. त्यामुळे या किमतीत ग्राहकांना नक्कीच उत्तम मायलेज मिळेल, यात शंका नाही.
