Budget Mileage Bikes : 70 किमी मायलेज, किंमत फक्त 58,850 रुपये; ऑफिससाठी बेस्ट 6 बाईक्स

रोज ऑफिसला जाणाऱ्यांसाठी पेट्रोल आणि मेंटेनन्सचा खर्च खूप महत्त्वाचा असतो. शहरातल्या ट्रॅफिकमध्ये चालवायला सोप्या, जास्त मायलेज देणाऱ्या आणि खिशाला परवडणाऱ्या ६ बेस्ट बाईक्सची किंमत आणि फीचर्स काय?

Image Credit : Hero

६०,००० रुपयांच्या बजेटमधील बाईक्स

रोज ऑफिसला किंवा बाजारात जाण्यासाठी जास्त मायलेज देणारी बाईक खूप फायद्याची ठरते. वाढते पेट्रोलचे दर आणि शहरातील ट्रॅफिक पाहता, १०० सीसी ते ११० सीसी इंजिन असलेल्या बाईक्सना मोठी मागणी आहे. या बाईक्सची डिझाईन साधी असते, सीट रोजच्या प्रवासासाठी आरामदायक असते आणि त्यांचा मेंटेनन्सचा खर्चही खूप कमी असतो.

Image Credit : Google

टीव्हीएस रेडिऑन

या लिस्टमध्ये टीव्हीएस रेडिऑन ही सर्वात स्वस्त बाईक आहे. कंपनीच्या वेबसाईटनुसार, याच्या 'ऑल ब्लॅक एडिशन'ची एक्स-शोरूम किंमत ५८,८५० रुपये आहे. यामध्ये १०९.७ सीसी ड्युरालाईफ इंजिन, फ्युएल इंजेक्शन टेक्नॉलॉजी, अलॉय व्हील्स आणि सिंक्रोनाईज्ड ब्रेकिंग सिस्टीम मिळते. याच्या टॉप व्हेरियंटमध्ये डिजिटल मीटर आणि फ्रंट डिस्क ब्रेकची सुविधाही कंपनीने दिली आहे.

Image Credit : Social media

हिरो एचएफ डिलक्स

हिरो एचएफ डिलक्समध्ये ९७.२ सीसी इंजिन असून ते ८.०२ पीएस पॉवर जनरेट करते. याच्या काही व्हेरियंट्समध्ये i3S टेक्नॉलॉजी मिळते, ज्यामुळे ट्रॅफिकमध्ये बाईक थांबल्यावर इंजिन आपोआप बंद होते आणि इंधनाची बचत होते. दुसरीकडे, होंडा शाईन १०० मध्ये ९८.९८ सीसी इंजिन, साधे मीटर, लांब सीट आणि कॉम्बी ब्रेक सिस्टीम आहे. ज्यांना हलकी बाईक हवी आहे, त्यांच्यासाठी हे दोन्ही उत्तम पर्याय आहेत.

Image Credit : stockPhoto

हिरो स्प्लेंडर प्लस

हिरो स्प्लेंडर प्लस ही भारतातील सर्वात लोकप्रिय कम्युटर बाईक आहे. यामध्ये ९७.२ सीसी इंजिन दिले असून ते ८.०२ पीएस पॉवर आणि ८.०५ एनएम टॉर्क देते. याच्या काही मॉडेल्समध्ये i3S टेक्नॉलॉजी, अलॉय व्हील्स आणि बेसिक मीटर कन्सोल मिळतो. ज्यांना कमी मेंटेनन्स आणि रोजच्या प्रवासासाठी एक विश्वासार्ह बाईक हवी आहे, ते डोळे झाकून स्प्लेंडरची निवड करू शकतात.

Image Credit : stockPhoto

बजाज प्लॅटिना बाईक

१०० सीसी सेगमेंटमध्ये बजाज प्लॅटिना १०० हा एक उत्तम पर्याय आहे. याची लांब सीट आणि आरामदायी सस्पेन्शन रोजच्या प्रवासात खूप कामी येते. याशिवाय, टीव्हीएस स्पोर्टमध्ये १०९.७ सीसी इंजिन, फ्युएल इंजेक्शन टेक्नॉलॉजी आणि ५-स्टेप ॲडजस्टेबल रिअर सस्पेन्शन मिळते. या बाईकमध्ये मायलेजची माहिती देणारे खास मीटरही कंपनीने दिले आहे.