Bikes Market: Hero च्या दोन बाईक्सचा धुमाकूळ; एका महिन्यात तडाखेबंद विक्री!
Bikes Market: गेल्या दोन महिन्यांत हिरो स्प्लेंडर आणि एचएफ डिलक्स या दोन बाईक्सनी मिळून 4 लाखांहून अधिक विक्रीचा टप्पा ओलांडून विक्रम केला आहे. जबरदस्त मायलेज, कमी देखभाल खर्च आणि परवडणारी किंमत ही या यशामागील मुख्य कारणं आहेत.
16
Image Credit : stockPhoto
4 लाख लोकांनी केली बाईक खरेदी
भारतीय ऑटोमोबाईल बाजारात मायलेज बाईक्समध्ये (Commuter Bikes) आजही Hero MotoCorp चा दबदबा कायम आहे. गेल्या दोन महिन्यांत हिरो स्प्लेंडर आणि हिरो एचएफ डिलक्स या दोन बाईक्स तब्बल 4 लाखांहून अधिक ग्राहकांनी खरेदी करून नवा विक्रम रचला आहे. उत्तम मायलेज, जवळपास शून्य देखभाल खर्च (Zero Maintenance) आणि सामान्य माणसाच्या बजेटमध्ये बसणारी किंमत ही या यशाची मुख्य कारणं आहेत.
Add Asianetnews Marathi as a Preferred Source
26
Image Credit : Asianet News
हिरो स्प्लेंडर मार्केट लीडर
भारतीय बाजारात कमी किमतीच्या बाईक्ससाठी होंडा, टीव्हीएस आणि बजाजसारखे पर्याय असले तरी, सर्वाधिक विकल्या जाणाऱ्या बाईक्सच्या शर्यतीत हिरो स्प्लेंडरसमोर कोणीही टिकू शकत नाही, हे पुन्हा एकदा सिद्ध झालं आहे.
36
Image Credit : stockPhoto
विक्रीत स्प्लेंडर नंबर 1
ताज्या एप्रिल महिन्याच्या विक्री रिपोर्टनुसार, देशात सर्वाधिक विकल्या गेलेल्या दुचाकींच्या यादीत हिरो स्प्लेंडरने अव्वल स्थान कायम राखलं आहे. पण वार्षिक वाढीच्या (Annual Growth) बाबतीत हिरोची दुसरी बजेट बाईक 'एचएफ डिलक्स'ने सर्वांनाच जोरदार टक्कर दिली आहे. एकाच महिन्यात हिरो स्प्लेंडरच्या एकूण 3,09,131 युनिट्सची विक्री झाली, जी 56.21 टक्क्यांची प्रचंड वार्षिक वाढ दर्शवते.
46
Image Credit : Google
91,977 युनिट्सची विक्री
दुसरीकडे, हिरो एचएफ डिलक्स बाईकच्या एकूण 91,977 युनिट्सची विक्री झाली आहे, ज्यात तब्बल 120.86 टक्के वार्षिक वाढ दिसून आली. सध्या देशातील टॉप-10 सर्वाधिक विकल्या जाणाऱ्या बाईक्सच्या यादीत स्प्लेंडर पहिल्या क्रमांकावर आहे, तर एचएफ डिलक्स सहाव्या स्थानावर आहे.
56
Image Credit : stockPhoto
हिरो स्प्लेंडर प्लस (Hero Splendor Plus) किंमत आणि वैशिष्ट्ये
कमी किंमत, जबरदस्त मायलेज आणि अगदी कमी मेंटेनन्स खर्चामुळे स्प्लेंडर बाईक देशातील निम्न-मध्यमवर्गीय (Lower Middle Class) लोकांची नेहमीच आवडती बाईक राहिली आहे. स्प्लेंडर प्लसची एक्स-शोरूम किंमत रु. 77,557 पासून सुरू होऊन रु. 80,331 पर्यंत जाते. यात 97.2 सीसी एअर-कूल्ड, 4-स्ट्रोक सिंगल-सिलेंडर इंजिन आहे, जे 7.91 BHP पॉवर आणि 8.05 NM टॉर्क निर्माण करते. ही बाईक प्रति लिटर पेट्रोलमध्ये कमीत कमी 65 ते 70 किलोमीटर मायलेज देते. यात i3S टेक्नॉलॉजी, कंबाईंड ब्रेकिंग सिस्टीम (CBS), ट्यूबलेस टायर्स, अलॉय व्हील्स, साईड-स्टँड कट-ऑफ सेन्सर आणि मोबाईल चार्जिंगसाठी यूएसबी (USB) पोर्ट यांसारखी वैशिष्ट्ये आहेत.
66
Image Credit : Google
हिरो एचएफ डिलक्स (Hero HF Deluxe) किंमत वैशिष्ट्ये
हिरो मोटोकॉर्पची सर्वात स्वस्त आणि मजबूत बिल्ड क्वालिटीसाठी ओळखली जाणारी बाईक म्हणजे एचएफ डिलक्स. या बाईकची एक्स-शोरूम किंमत फक्त रु. 59,477 पासून सुरू होऊन टॉप मॉडेलसाठी रु. 70,442 पर्यंत जाते. यात 97.2 सीसी एअर-कूल्ड 4-स्ट्रोक सिंगल-सिलेंडर OHC इंजिन आहे, जे 8.02 PS पॉवर आणि 8.05 NM पीक टॉर्क जनरेट करते. यात 4-स्पीड मॅन्युअल गिअरबॉक्स आहे. ही बाईक देखील प्रति लिटर सुमारे 70 किलोमीटरपर्यंत उत्तम मायलेज देते. यात हिरोची प्रसिद्ध i3S टेक्नॉलॉजी, लांब आणि आरामदायी सीट, 18-इंच अलॉय व्हील्स, ट्यूबलेस टायर्स, कंबाईंड ब्रेकिंग सिस्टीम (CBS) आणि अॅनालॉग स्पीडोमीटर सारखे फीचर्स मिळतात.
Utility News (उपयुक्तता बातम्या): Check Latest उपयुक्तता बातम्या थेट in Marathi. Read वैयक्तिक कर्ज, बँकिंग टिप्स, गुंतवणूक, सोने आणि चांदीच्या किंमती बातम्या, ताज्या बातम्या at Asianet Marathi News .
