चहाला टेस्ट येण्यासाठी चहा पावडर कधी टाकावी? इथेच केली जाते आपल्याकडून चूक
नुसतं चहाचं नाव काढलं तरी तो घेण्याची तल्लफ होते. काही चहाप्रेमी तर या पेयाला भावनेशी जोडतात. पण बहुतेक लोक चहा बनवताना एक मोठी चूक करतात. पाणी उकळायला लागण्यापूर्वीच दोन्ही गोष्टी मिसळतात. त्यामुळे चहाची चव चांगली लागत नाही.
काही ठराविक लोकांच्या घरीच चहा चविष्ट का लागतो?
भारतात जवळपास प्रत्येकाला आवडणाऱ्या चहाचा रंग, चव सर्व काही परफेक्ट असतं. त्याचा सुगंध इतका छान असतो की, शेजारच्या घरात चहा बनत असला तरी त्याचा सुगंध तुमच्या घरापर्यंत येतो. तसं तर चहा सगळेच बनवतात, पण ठराविक लोकांच्या घरचा चहा खूपच चविष्ट लागतो. का माहित आहे का?
चहा पावडर किती आणि केव्हा टाकायची?
चहा बनवण्याचीही एक खास पद्धत आहे. किती पाणी घ्यावे? किती दूध घालावे? साखर कधी टाकावी? आणि चहा पावडर कधी टाकावी? हे माहित असणं गरजेचं आहे. या सर्व गोष्टी योग्य प्रमाणात असतील तर चव आणि सुगंधासाठी आले, वेलची, तुळस, लवंग आणि इतर पदार्थ चहामध्ये मिसळून प्यायल्यास रंग आणि चव दोन्ही छान लागतात. आता चहा पावडर किती आणि केव्हा टाकावी ते पाहूया...
चवीसोबत रंगही अप्रतिम येईल
चांगला चहा बनवण्यासाठी, भांड्यात पाणी घ्या. 2 कप चहासाठी दीड कप पाणी उकळल्यावर 2 चमचे चहा पावडर टाका. किसलेले आले घालून चांगले उकळू द्या. पाणी 1 कप उरल्यावर दूध घाला. गॅस मोठा करून दोनदा उकळी आणा. आता साखर घालून 2-3 वेळा उकळवा. चहाचा रंग आणि चव दोन्ही अप्रतिम लागतील.
लोक कुठे चूक करतात?
बहुतेक लोक चहा बनवताना एक मोठी चूक करतात. ते चहा पावडर आणि साखर दोन्ही एकत्र पाण्यात टाकतात. पाणी उकळायला लागण्यापूर्वीच दोन्ही गोष्टी मिसळतात. त्यामुळे चहाचा रंग किंवा चव चांगली येत नाही. काहीजण तर दूध, पाणी, चहा पावडर आणि साखर सर्व एकत्र टाकून उकळायला ठेवतात. पण चहा बनवण्याची ही योग्य पद्धत नाही.
दूध फाटण्याची शक्यता असते
प्रत्येक पदार्थ उकळण्यासाठी स्वतःचा वेळ घेतो. अनेकदा सर्व पदार्थ एकत्र टाकून चहा बनवताना आले टाकल्याबरोबर दूध फाटते. दूध फाटल्यास सर्व साहित्य वाया जाते आणि तुमची मेहनतही वाया जाते.
