- Home
- Utility News
- Tata Motors Festive Sale : सणासुदीला टाटाच्या गाड्यांवर बंपर ऑफर, 3.35 लाखांपर्यंत डिस्काउंट
Tata Motors Festive Sale : सणासुदीला टाटाच्या गाड्यांवर बंपर ऑफर, 3.35 लाखांपर्यंत डिस्काउंट
सणासुदीच्या मुहूर्तावर टाटा मोटर्सने ग्राहकांसाठी एक भन्नाट ऑफर आणली आहे. कंपनी आपल्या गाड्यांवर तब्बल ३.३५ लाख रुपयांपर्यंतचा मोठा डिस्काउंट देत आहे. कोणत्या मॉडेलवर किती सूट मिळतेय?
सणासुदीच्या काळात टाटा मोटर्सच्या भन्नाट ऑफर्स
सणासुदीच्या काळात तुम्ही नवीन गाडी घेण्याचा विचार करताय का? तर मग तुमच्यासाठी एक आनंदाची बातमी आहे. प्रसिद्ध ऑटोमोबाईल कंपनी टाटा मोटर्सने आपल्या गाड्यांवर जबरदस्त डिस्काउंट जाहीर केला आहे. या फेस्टिव्हल ऑफरचा फायदा घेऊन ग्राहक हजारो ते लाखो रुपयांची बचत सहज करू शकतात.
पेट्रोल, डिझेल, सीएनजी आणि इलेक्ट्रिक गाड्यांवर हा डिस्काउंट मिळतोय. टियागो, टिगोर, अल्ट्रोझपासून ते नेक्सॉन, पंच ईव्ही, कर्व्ह ईव्ही आणि हॅरियर ईव्हीपर्यंत अनेक मॉडेल्स या लिस्टमध्ये आहेत. गाडीचं मॉडेल आणि व्हेरियंटनुसार हा डिस्काउंट बदलतो. यात जास्तीत जास्त ३.३५ लाख रुपयांपर्यंतचा फायदा तुम्ही मिळवू शकता.
टियागो, टिगोर आणि अल्ट्रोझवर किती सूट?
टाटा आपल्या एंट्री लेव्हल गाड्यांवरही मस्त ऑफर्स देत आहे. टियागो पेट्रोल आणि सीएनजी मॉडेल्सवर ३५,००० रुपयांपर्यंतचा फायदा मिळतोय. यात १५,००० रुपयांचा थेट डिस्काउंट, ५,००० रुपयांचा ओईएम सपोर्ट आणि एक्सचेंज किंवा स्क्रॅपेज बेनिफिट्सचा समावेश आहे. एक्सचेंज बोनस १०,००० रुपयांपर्यंत आणि स्क्रॅपेज बोनस १५,००० रुपयांपर्यंत मिळतोय. टाटा टिगोर घेणाऱ्यांना एकूण ३०,००० रुपयांपर्यंत सूट मिळतेय. प्रीमियम हॅचबॅक अल्ट्रोझ सीएनजी व्हेरियंटवर तुम्ही ५५,००० रुपयांपर्यंत बचत करू शकता. तर याच्या पेट्रोल आणि डिझेल व्हेरियंट्सवर ३५,००० रुपयांपर्यंत डिस्काउंट मिळतोय.
नेक्सॉन एसयूव्हीवर ७५,००० रुपयांपर्यंत बचत
लोकांमध्ये प्रचंड क्रेझ असलेल्या टाटा नेक्सॉन एसयूव्हीच्या वेगवेगळ्या व्हेरियंट्सवर भारी डिस्काउंट मिळतोय. निवडक पेट्रोल मॅन्युअल व्हेरियंट्सवर तुम्ही ७५,००० रुपयांपर्यंत बचत करू शकता. सीएनजी मॉडेलवर ६०,००० रुपयांपर्यंतचा फायदा मिळतोय. नेक्सॉनच्या इतर पेट्रोल मॅन्युअल आणि ऑटोमॅटिक व्हेरियंट्सवर ५५,००० रुपयांपर्यंत सूट दिली जातेय. डिझेल मॉडेलवर २०,००० रुपयांपर्यंतचा फायदा मिळवता येईल. नेक्सॉन ईव्ही घेणाऱ्यांना ४५,००० रुपयांपर्यंत बचत करण्याची संधी आहे. यात १०,००० रुपयांच्या ग्रीन बोनसचाही समावेश आहे.
पंच ईव्ही आणि कर्व्ह ईव्हीवर बंपर डिस्काउंट
सध्याच्या ऑफरमध्ये टाटा पंच पेट्रोल आणि सीएनजी मॉडेल्सवर कोणताही डिस्काउंट नाहीये. पण इलेक्ट्रिक मॉडेल पंच ईव्हीच्या व्हेरियंट्सवर चांगली बचत होतेय. पंच ईव्ही लाँग रेंज व्हेरियंटवर १.४५ लाख रुपयांपर्यंत डिस्काउंट मिळतोय. मिडीयम रेंज व्हेरियंटवर १.२५ लाख रुपये आणि स्मार्ट व्हेरियंटवर ९५,००० रुपयांपर्यंत सूट आहे. सर्वात जास्त म्हणजे कर्व्ह ईव्हीच्या निवडक व्हेरियंट्सवर जास्तीत जास्त ३.३५ लाख रुपयांपर्यंत बचत करता येईल. पण ही ऑफर फक्त काही व्हेरियंट्ससाठीच आहे. एक्स ट्रिम्स यात येत नाहीत. कर्व्ह ईव्ही क्रिएटिव्ह व्हेरियंटवर २.८५ लाख रुपयांपर्यंतचा फायदा मिळतोय.
हॅरियर ईव्ही, सफारी आणि इतर मॉडेल्सवरील ऑफर्स
टाटाच्या मोठ्या एसयूव्ही हॅरियर आणि सफारी डिझेल मॉडेल्सवर ४५,००० रुपयांपर्यंतचे फेस्टिव्हल बेनिफिट्स मिळतायत. यात एक्सचेंज आणि स्क्रॅपेज बोनस जोडलेले आहेत. हॅरियर ईव्ही फिअरलेस आणि एम्पॉवर्ड व्हेरियंट्सवर २.७५ लाख रुपयांपर्यंत डिस्काउंट मिळवता येईल. तसेच टाटा सिएरा पेट्रोल आणि डिझेल मॉडेल्सवरही ३०,००० रुपयांपर्यंतचे बेनिफिट्स दिले जात आहेत. या ऑफर्स वेगवेगळ्या राज्यांनुसार आणि शहरांनुसार बदलू शकतात. त्यामुळे गाडी घेण्यापूर्वी मॉडेल आणि व्हेरियंटनुसार ऑफर्सचे नियम जाणून घेणं फायद्याचं ठरेल.
